Qidiruv

Qamishga oʻxshab oʻsadigan, ammo poyasining ichi gʻovak boʻlmaydigan oʻsimlik; savagʻich.

Gʻisha — savagʻich, qamishga qaraganda u boshqacha oʻsadi. Qamish bir-biriga tutashib, toʻqay boʻlib ketsa, savagʻich xuddi sadaga oʻxshab, har yer-har yerdan toʻp-toʻp qaynab chiqadi. — S. Ahmad, Ufq

ot Qolip yordamida loydan toʻrtburchak shaklida quyiladigan qurilish materiali.

Xom gʻisht. Gʻisht quymoq. Gʻisht termoq. Qolipsiz gʻisht bitmas, rejasiz ish bitmas. — Maqol

Atrofimdagi imoratlarning koʻpi pishiq gʻishtdan, baʼzilari xom gʻishtdan boʻlsa ham, koʻkrakdor qilib solingan. Shukrullo, — Saylanma

Berdiboy yaxshi bir nonvoy, oʻrtacha arrakash, gʻisht teruvchi edi. — A. Qodiriy, Kichik asarlar

ot shv. Qaysarlik yoki injiqlik bilan qilinadigan janjal, xarxasha.

Unga yonidagi ulfatlarining dabdurustdan boshlanib ketadigan gʻishavasini tomosha qilish, koʻk choy ichib rohatlanish — gʻanimat. — Sh. Toshmatov, Tongdagi koʻlanka

Boyagina erini undan qizgʻanib, gʻishava qilib turgan xotin koʻz ochib-yumguncha boshqa qiyofaga kirdi. — E. Aʼzam, Kechikayotgan odam

sft. 1. Gʻisht bilan ishlangan, qurilgan.

Doʻnglikdan keyin hech qancha yurmay, gʻishtin uylar boshlanib ketdi. — Oʻzbekiston qoʻriqlari

Terak boʻyi keladigan gʻishtin devor juda enli edi. — P. Qodirov, Yulduzli tunlar

Uzun gʻishtin yoʻlka darvozaxonadan boshlanib, chorbogʻni tikka kesib oʻtadi. — H. Gʻulom, Binafsha atri

2. Qarta oʻyinida: qartaning gʻishtsimon qizil xollari boʻlgan xili.

Gʻishtin motkasi. Oʻnlik gʻishtin.

sft. ayn. Gʻishtin.

Qamariddin gʻishtli uyning ikkinchi qavatida turardi. — Yoshlik