(лат. collisio — тўқнашув, қарама-қаршилик сўзидан)
коллизия. Бадиий асарда характерларнинг ўзаро кураши, шароит ва характерлар ўртасидаги тўқнашув. Мазкур термин эстетикага Гегел томонидан киритилган бўлиб, у асарнинг жанр хусусиятларига қараб, шунингдек, мавзу, ғоя ва ижодкор услубига кўра, турлича характер касб этади. Масалан, В. Шекспир трагедияларида трагик коллизиялар устун бўлса, Ҳамза, Комил Яшин драмаларида драматик коллизиялар, А. Қаҳҳор ҳикояларида эса комик коллизиялар етакчилик қилади. Коллизия эпик асарларда воқеалар билан ғоя бирлигининг асосини ташкил эца, лирикада туйғулар, кечинмалар тўқнашувини таъминлайди.