Поиск

Muborak va Oʻrtabuloq konlaridan olinayotgan gazni oltingugurtli birikmalardan tozalash uchun qurilgan zavod. 1971 y. da ishga tushirilgan. Zavodning 1-navbati 5 ta qurilmadan iborat boʻlib, uning 3 tasi Oʻrtabuloq koni gazini, qolgan 2 tasi Muborak koni gazini tozalashga moʻljallangan. Qurilmalar yiliga 5 mlrd. kub m. gazni tozalash quvvatiga ega. Gazni oltingugurt birikmalardan tozalashda absorbsion usulidan foydalaniladi. Absorbent monoetanolaminning 15—20 % suvli eritmasidan iborat. Gazni quritishda past temperaturali separatsiya va ammiak yordamida tashqi sovutish qurilmalari ishlatiladi. Oltingugurt birikmalarini yutadigan aminli eritma desorbsion minora desorberda temperaturasi 150—160°S boʻlgan par bilan qizdirilib, tarkibidagi nordon gazlar — vodorod sulfidi (H₂S) va karbonat angidridi (CO₂) ajratib olinadi. Ajratib olingan nordon gazlar oltingugurt oladigan qurilmaga quvurlardan yuborilib ulardan oltingugurt ajratib olinadi. Oltingugurt Klaus jarayoni boʻyicha olinadi. Oltingugurt ajratib oladigan qurilmaning yillik quvvati 220 ming tonna. Yiliga 55 ming tonna oltingugurt olish quvvatiga ega boʻlgan 4 ta bir xil qurilmalardan tashkil topgan. Oltingugurti ajratib olingan gazlarda qisman zaharli gazlar boʻladi. Bunday gazlar pechlarda yoqib yuboriladi. Hozir Koʻltoq, Zevardi, Alan, Pamuk, Oʻrtabuloq, Dengizkoʻl, Xauzak, Koʻkdumoloq konlari M.g.q.i.z.ning asosiy xomashyo bazasi hisoblanadi. M.g.q.i.z. da quyidagi texnologik jarayonlar ishlab turibdi: — tabiiy gazni oltingugurt birikmalari — vodorod sulfid, mer-, Muborak gazni qayta ishlash zavodi