гр. jambos — фракияликларнинг музика асбобини англатувчи jambike сўзидан
Rus sillabik-tonik sheʼr tuzilishidagi ikki hijoli stopa turlaridan biri boʻlib, unda ikkinchi hijo urgʻuli boʻladi. Yambning shakliy belgisi ◡ — tarzida ifodalanadi. Yambda yozilgan sheʼrda urgʻu hamma vaqt kuchli pozitsiyadagi ikkinchi hijolarga tushadi. Agar ikkinchi hijo kuchsiz boʻlsa, urgʻu ikkinchi hijolarga tushmasligi ham mumkin. Kuchsiz ikkinchi hijoga urgʻu tushishi esa, odatda, stopa bir boʻgʻinli soʻzlardan boshlanganda yuz beradi. Shuning uchun ham yamb koʻpgina ichki ritmik tebranish hamda imkoniyatlarga ega. Rus sheʼriyatida keng qoʻllanilgan sheʼriy vaznlar esa toʻrt stopali, besh stopali va olti stopali yamb hisoblanadi. Masal va dramatik asarlarda esa erkin yamb koʻp qoʻllanilgan. Erkin yambda sheʼriy misralardagi stopalar miqdori turlicha boʻlib, bu hol shoirga katta ifodaviy imkoniyat tugʻdiradi. Antik sheʼr tuzilishida yamb uch moraga teng ikki hijoli stopa hisoblangan., yamb