Поиск

Emulsiya — suyuq faza zarrachalarining ikkinchi suyuq fazada tarqalgan dispers sistemasi. Fazalardan biri suv, ikkinchisi suvda erimaydigan yogʻ. Shunga koʻra E.larning ikki turi mavjud: suvdagi yogʻ dispersiyalari (Yo/S) va yogʻdagi suv dispersiyalari (S/Yo). E.ning bitta fazasi uzluksiz, ikkinchisi alohida zarrachalardan tashkil topgan. E.ni tashkil qiluvchi ikkala suyuqlik ham bir-birida erimaydi va molekulalarining tuzilish koʻrsatkichi boʻyicha bir-biridan juda katta farq qiladi. Suyuqliklardan biri qutbli (masalan, suv), ikkinchisi — qutbsiz yoki kam qutbli (masalan, organik suyuqlik, uglevodorod, birikmasi — neft).

neftni suvsizlantirishda emulsiyaning suvsizlanish darajasini bildiradigan tushuncha. Konlarda neft boshlangʻich va keng koʻlamda suvsizlantiriladi. Neftni boshlangʻich (birlamchi) suvsizlantirish issiqlik va kimyoviy reagentlarni eng kam sarflab, neftni tayyorlashda undan ajraladigan suv massasini yoʻqotish maqsadida amalga oshiriladi. Bu jarayon dastlab emulsiyani tindirib soʻngra suvni chiqarib tashlaydigan apparatlarda bajariladi. Boshlangʻich suvsizlantirish neft moʻl suvlanganda (50dan 95%gacha) qoʻllaniladi. Neft boshlangʻich suvsizlantirilgandan soʻng unda qolgan suvning miqdori 15%dan oshmaydi. Keng koʻlamda suvsizlantirish neftni tayyorlaydigan termokimyoviy qurilmada isitib, deemulgator qoʻshib va tindirib amalga oshiriladi. Bunda neftda qolgan suvning miqdori 0,5%dan oshmaydi., Emulsiyaning ajralish koʻlami