Нутқни тушуниш (идрок этиш). Нутқни тушуниш – фаол жараён, қабул қилинган нутқий рағбатнинг пассив оқибати эмас, тингловчининг мураккаб фаолияти натижаси. Кириш акустик сигналидан ташқари, тингловчи нутқни идрок этиш ва талқин қилиш жараёнида турли ахборот-маълумот манбаларидан фойдаланади. Ушбу манбалар тил вазияти, контекст, тилнинг тузилиши (лексика, синтаксис, фонология ва б.)ни, новербал мўлжаллар, тингловчининг бундан олдинги жавоби ва бошқаларни ўз ичига олиши мумкин.