(лат. collisio — тўқнашув, қарама-қаршилик сўзидан)
kolliziya. Badiiy asarda xarakterlarning oʻzaro kurashi, sharoit va xarakterlar oʻrtasidagi toʻqnashuv. Mazkur termin estetikaga Gegel tomonidan kiritilgan boʻlib, u asarning janr xususiyatlariga qarab, shuningdek, mavzu, gʻoya va ijodkor uslubiga koʻra, turlicha xarakter kasb etadi. Masalan, V. Shekspir tragediyalarida tragik kolliziyalar ustun boʻlsa, Hamza, Komil Yashin dramalarida dramatik kolliziyalar, A. Qahhor hikoyalarida esa komik kolliziyalar yetakchilik qiladi. Kolliziya epik asarlarda voqealar bilan gʻoya birligining asosini tashkil etsa, lirikada tuygʻular, kechinmalar toʻqnashuvini taʼminlaydi.