(гр. allos — бошқа, ўзга ва agoreuo — гапираман сўзларидан)
Badiiy adabiyot va sanʼatdagi tasviriy usullardan biri boʻlib, ijodkor majoziy obrazlar asosida asar yaratadi. Majoziy tasvir juda ham qadimiy boʻlib, ayrim janrlar faqat majoz asosidagina yaratiladi. Masalan, ertaklarning maxsus turi va masallar. Majoz lirikada ham keng qoʻllaniladi. Lirikada majoz asarning badiiy qimmatini, taʼsir kuchini oshirishga xizmat qiladi. Masalan, A. Oripovning «Tilla baliqcha» sheʼri majoziy tasvir asosida yaratilgan lirik asardir. Ayrim soʻzlar va iboralar majoziy maʼnoda qoʻllanadi. Masalan, «tulki» soʻzi ayyor kishilarga nisbatan, «Qargʻa qargʻaning koʻzini choʻqimas» iborasi esa xarakteri, maslagi bir xil kishilar bir-biriga ziyon yetkazmaydi maʼnosida qoʻllaniladi. Soʻzlarning majoziy xarakterga ega boʻlishi metonimiya (q.) asosida yuzaga keladi., allegoriya, majoz