1. Obyektga yoʻnaltirilgan arxitekturali dasturlash tili. Java tili 1992 yili paydo boʻlgan va SUN Microsystems korporatsiyasi tomonidan taklif qilingan. U avvaliga OAK deb atalib, elektron-maishiy asboblarning boshqarish tili sifatida ishlab chiqilgan. Ammo, 1995 yili nomini Javaga almashtirib, tarmoqda foydalanilayotgan platformadan mustaqil ravishda amaliy dasturlarni yaratish imkonini beradigan vosita boʻlib qoldi. Shu sababli, bu til bir platformadan boshqasiga yengil koʻchirilishi bilan tavsiflanadi, axborotni muhofazalashning rivojlangan vositalariga ega va tarmoqda ishlash imkoniyatiga ega. Bu birinchi navbatda Internet tarmogʻiga va uning global ulanish xizmatiga tegishli. Java tili sintaksisi C++ ning sintaksisiga oʻxshash boʻlib, u maxsus ochiq tarmoq muhitida ishlashga moʻljallangan. Java tilining texnologiyasiga tayanib SUN Microsystems korporatsiyasi operatsion tizim ishlab chiqdi. Java asosida, shuningdek JavaOS operatsion tizimi hamda Java texnologiyasi yaratilgan va xilma xil operatsion tizimlar ishlab chiqilmoqda.
2. “Appletlarni” yaratish texnologiyasi - foydalanuvchining kompyuteriga saytning sahifasi bilan birga yuklanib, shu sahifani “jonlashtirish” imkonini beradi. Appletlar sahifaga qoʻshimcha funksionallikni taʼminlashi mumkin, animatsion reklamani amalga oshirishi va hattoki, sahifaning ichiga oʻrnatilgan katta boʻlmagan oʻyinni ifodalashi mumkin.