Қидирув

от 1. Заргар ҳунарини эгаллаганлик; қимматбаҳо металлар ва тошлардан безаклар ясаш.

Заргарлик санъати энг кўҳна санъатлардан бири бўлиб, у декоратив-амалий санъат хили сифатида кенг тарқалган. — Газетадан

У [Уста Ориф Бухорий] наққошлик ва заргарликдан то сартарошликкача нодир одам. — Ойбек, Навоий

2. тар. Бозорда заргарлар жойлашган раста, қатор; заргарлар яшайдиган маҳалла.

от 1. Олтин, кумуш ва турли қимматбаҳо тошлардан зеб-зийнат буюмлари ясайдиган уста.

Заргар қўлда ишлайди, бу эса аниқликни, батартибликни талаб қилади. — Газетадан

Хоразм тупроғида етилган тотли мевалар, туркман отлари, эроний гиламлар, Хива заргарлари зийнатлаган тилла буюмлар, той-той ипак ўрамлари император ҳазратларига пешкаш қилинди. — С. Сиёев, Аваз

Заргар ясар тиллақош, Келинчаклар тақсин деб. — Оқ олма, қизил олма

2. кўчма Бирор соҳанинг етук устаси.

Моҳир сўз заргари Алишер Навоий ҳар бир ижрочининг маҳоратига қисқа-қисқа, лекин мантиқан кучли, аниқ характеристика беради. — Газетадан

Мўл-кўл ҳосил етиштириш учун деҳқонлар заргар каби ишлашлари даркор. — Газетадан