Проект Hayot Foundation
О проекте
Ру
Ру

Поиск

По запросу «zarda» — результатов: 181: Словари

Фильтр
Раздел
Словари Сказки Диалекты
Тип словаря
Толковый Переводной Терминологический Фразеологический
С языка
Узбекский Русский Английский Турецкий
На язык
Узбекский Русский Английский Каракалпакский Немецкий Французский Арабский Турецкий

Словарные статьи

159
zarda

ot 1. Oʻt, safro.

2. Jahl, gʻazab, doʻq, baqirish.

Nusrat-bek uning tovushidagi zardani payqadi. — S. Nurov, Narvon

Domlamizning zardalari yomon va achchiqlari tez — M. Muhammadjonov, Turmush urinishlari

Yodgor Dilshodning unga yana zarda aralash qarab qoʻyganini ilgʻab oldi. — Oʻ. Hoshimov, Qalbingga quloq sol

Zardangiz qursin, har vaqt doʻq bilan gapirasiz! — Oybek, Tanlangan asarlar

Valiyev ataylab zarda bilan gapirgan boʻlsa-da, aslida raisdan mamnunligi sezilib turardi. — E. Usmonov, Yolqin

  • Zardasi tutmoq Jahli chiqmoq Sultonov zardasi tutsa ham indamadi, bagʻrini yerga berib, boshini koʻtarmay yotaverdi. — M. Mansurov, Yombi
  • Zardasi qaynamoq 1. Jigʻildoni bezovta qilmoq. — Xuddi qoʻrgʻoshin yutgandayman, koʻkragim ogʻir. Mana shu yerimni bossam, ogʻriydi. Qayt qilaman. Zardam qaynab turadi, — dedi Saidiy. — A. Qahhor, SarobMusa koʻsaning zardasi qaynab ketdi. — S. Ahmad, Hukmhamon yigit-lik gʻayrati soʻnmagan Toʻlamat polvon traktorchining bu gapidan zardasi qaynadi. — S. Anorboyev, Oqsoy
  • Zarda qilmoq Jahl qilmoq, gʻazabini sochmoq. Shundan keyin Rahim bizga zarda qildi: — Men senlarga qoʻshilmayman. — H. Nazir, Soʻnmas chaqmoqlarAyam nimaga zarda qilyapti? — Men ham bilolmay xunobman, — dedi Yorqinoy. — R. Rahmon, Mehr koʻzda
Полная статья →
zar

ot 1. Oltin, tilla.

Zar qadrini zargar biladi. — Maqol

[Husayn:] Xazinamda har qancha zar, har qancha aqcha boʻlsa, yurtning obodonligi uchun sarf etishga vaʼda beraman. Uygʻun va — I. Sulton, Alisher Navoiy

Norga ortinglar zaringni, Xotin, bola-chaqalaringni. — Yusuf va Ahmad

2. koʻchma Oltin bilan teng, oltinga oʻxshash narsa haqida.

Toshlar ustiga doʻlanaday-doʻlanaday yirik tomchilar tushib, atrofga zar kukunlari sochildi. — H. Nazir, Soʻnmas chaqmoqlar

3. Tilla, pul, umuman boylik.

Ter toʻkib mehnat qilsang, yerdan hatto zar unar. — Maqol

Mehrni oʻlchab boʻlurmi zar bilan, inju bilan? — E. Vohidov, Muhabbat

Saroyga bordim-u, pul olganim yoʻq, Shahanshohning, dedi, oltin, zari yoʻq. Uygʻun va — I. Sulton, Alisher Navoiy

4. Zardoʻzlikda zarbof toʻn, zar doʻppi va boshqalar tayyorlashda ishlatiladigan, oltin yoki kumush suvi yuritilgan, zarlangan ipak yoki sim; shunday ipak yoki simdan tikilgan kiyim.

Zar bilan tikilgan doʻppi. Zar roʻmol.

U zar yoki kimxob toʻn ichida odamlar oʻrtasida savlat toʻkib turibdi. — M. Ismoiliy, Fargʻona tong otguncha

5. Bezak yoki oʻrov uchun ishlatiladigan yupqa yaltiroq metall varagʻi yoki zarhallangan qogʻoz.

Zar qogʻoz. Zarga oʻralgan popuk (konfetlar).

Archa har xil shakldagi zar qogʻozlar va boshqa oʻyinchoqlar bilan beza-tilgan. — K. Yashin, Hamza

  • Qora zar Neft yoki toshkoʻmir haqida. Qoratogʻ qoʻyniga qoʻl soldi odam, Oʻlka uchun qora zar oldi odam. — Mirtemir
  • Boshidan zar quymoq Boylikka, oltinga koʻmib tashlamoq. [Jamila boyga:] Oʻsha qarolingizni yaxshi koʻrib tegganman, boshimdan zar quysangiz ham, undan ayrilmayman. — Hamza, Boy ila xizmatchi
Полная статья →
zardali

sft. 1. Jahlli, jahli tez, serzarda.

Boʻta shu topda Sodiq tarangning zardali yuzini koʻz oldiga keltirgan edi. — S. Ahmad, Hukm

2. Jahl yoki gʻazabni ifodalaydigan, jahl aralash.

— Dastavval Boʻtavoy degan baloni oyoqdan yiqish kerak, — dedi Azimboyvachcha zardali, lekin surnaydek ingichka ovoz bilan. — S. Ahmad, Hukm

Nazar shu alfozda — ufqlarga bir oz zardali, lekin qatʼiyat bilan tikilib turishida Kozimga yoqib ketdi. — E. Usmonov, Yolqin

Полная статья →

Показать все · 159 →

В определениях

22

Показать все · 22 →