Qidiruv

fl. 1. Taxlangan, oʻralgan narsani ochmoq.

Qaltiragan qoʻllari bilan dastroʻmollarni yoyib koʻrdi: ikkalasi ham oq shoyidan. — Oybek, Quyosh qoraymas

2. Ochib, yozib osmoq (tortilgan arqon, ipga, shoxga va shu kabilarga).

Kir yoymoq. Kiyimlarni dorga yoymoq. Kelinni kelganda koʻr, sepini yoyganda koʻr. — Maqol

3. Ezib yupqalamoq, yassilamoq; choʻzmoq.

U engashib oʻtirgancha xamir yoyar, nimcha kiyib olgan, entikib nafas olar, shishinqiragan yuzi qizarib ketgandi. — Oʻ. Hoshimov, Qalbingga quloq sol

4. Toʻshamoq, solmoq.

[Yormat] Otni qoʻshgandan keyin, aravaga qalin namat soldi, ustidan koʻrpacha yoydi. — Oybek, Tanlangan asarlar

Toʻshakni uy orqasidagi ajriqqa yoyib kelib, quruq karavotda shiftga tikilgancha yotdi. — S. Nurov, Narvon

5. Bir-biridan ajratib, tarqatib, sochib qoʻymoq.

Yongʻoqni oftobga yoymoq. Qoʻylarni yoymoq.

6. Maʼlum qilmoq, ommalashtirmoq.

Qudrat u yerda [toʻgarakda] oʻrganganlarini mahalliy ishchilar orasida yoyib yurgan kunlarining birida uni jandarma iskovuchlari tutib qamadilar. — M. Ismoiliy, Fargʻona tong otguncha

— Lekin bu narsani [savodni] sir saqlash yaramaydi. Hammaga yoyib, namuna qilish kerak, — dedi Elmurod. — P. Tursun, Oʻqituvchi

7. Mashhur qilmoq, ovoza qilmoq.

Arzigay nomingiz yoysak olamga, Shul erur mening ham umrlik dardim. — A. Oripov

Institutimizning shon-u shuhratini olamga yoyadigan boʻlding, degani elas-elas qulogʻimga chalinib ham turibdi. — X. Toʻxtaboyev, Shirin qovunlar mamlakati

8. Toʻplanib, uyilib yotgan narsani tarqatib tekislamoq, tekis qilmoq.

Doʻnglik yoyib yuborilgandan keyin Mohidilning ruhi yorishib ketdi. — J. Abdullaxonov, Toʻfon

9. Tarqatmoq, sochmoq, bermoq.

Peshingacha tariqqa suv yoyaman, kechlatib, Xevaga chopaman. — S. Siyoyev, Yorugʻlik

Koʻklam osmoniga yonboshlab, yoyar quyosh alvon-alvon nur. — T. Toʻla

1. Quyosh nurining yomgʻir tomchilarida sinishi natijasida osmonda yarim doyra shaklida rang-barang tusda koʻrinadigan yoʻl; kamalak

2. ayn. kamalak 1

Hakimbek oʻn toʻrt botmon yoyni qoʻliga ushlab, koʻtarib tortdi — "Alpomish"

Yoy oʻqi nishon yogʻochiga “taq”etib urilgani baralla eshitildi — P. Qodirov, Yulduzli tunlar

3. esk. ayn. qavs I

Katta yoy. Yoy ichiga olmoq

4. mat. Aylananing istalgan ikki nuqtasi orasidagi boʻlagi

Parallel vatarlar orasidagi yoylar bir-biriga tengdir — "Geometriya"

fl. Yoymoq feʼlining birgalik nisbati.

fl. Yoyishmoq feʼlining orttirma nisbati.

Noaniq yoyish usuli, bunda uzatkich bitta signal tarqatadi, qabul qilish nuqtasi esa, radiotoʻlqinlarning koʻp nurli tarqalishi oqibatida bu signalning bir qancha nusxasi bir vaqtda keladi.inglizchapath diversityruschaмноголучевое разнесение