Izohli lugʻat
· yana 6 ta lugʻatda
ot 1. Bosh ostiga qoʻyib yotish, yon-boshlash, suyalish uchun ishlatiladigan yumshoq buyum; bolish.
Par yostiq. Duxoba yostiq.
Adolat boshini koʻtaraman dedi-yu, koʻkragini gʻijimlab, boshini qayta yostiqqa qoʻydi. — S. Zunnunova, Gulxan
Chol indamadi. U yostiqqa suyanganicha, ancha vaqt sukutga ketdi. — H. Gʻulom, Mashʼal
2. maxs. Binokorlikda: xari, toʻsin yoki sarrov ostiga qoʻyiladigan gʻoʻlacha, yogʻoch.
- Bir yostiqqa bosh qoʻymoq Biror kishi bilan turmush qurmoq; er-xotin boʻlmoq. Ikki jins bir yostiqqa bosh qoʻyish bilan oʻtmish va kelajak naslni bir-biriga bogʻlaydigan halqa vujudga keltiradi. — A. Qahhor, Qoʻshchinor chiroqlari
- Boshi yostiqqa tegmoq Kasal boʻlib yotib qolmoq. Osonmi, kishi nima boʻlishini bilmaydi, boshi yostiqqa tegishi bor. — A. Qahhor, Toʻyda aza
- Boshingga yostiq qilasanmi? Boʻyi yetib, vaqtida uzatilmayotgan qiz haqida aytiladigan ibora. Qiz yetilgach, uni egasiga topshirish kerak! Boshingga yostiq qilasanmi uni? — I. Rahim, Chin muhabbat
- Yostigʻini quritmoq Oʻldirmoq, yoʻq qilmoq. Andijon zilzilasi ming-ming-lab odamlarning yostigʻini quritdi, tomini qulatdi. — M. Ismoiliy, Fargʻona tong otgunchaAblah fashistlar ne-ne yigitlarning yostigʻini quritmadi. — N. Safarov, Olovli izlar