Қидирув

от Булутлардан сув томчилари ҳолида тушадиган, ёғадиган ёғин.

Ёмғир суви. Ёмғир ёғди. Ўтган булутдан ёмғир кут-ма. — Мақол

Ёмғир худди жонга игна санчгандай, эзиб муттасил саваларди. — Ойбек, Қуёш қораймас

Ёмғир томчилари билан ювилган ҳавонинг покиза еллари гоҳ баданни чимчилаб ўтади, гоҳ сескантиради. — Шуҳрат, Шинелли йиллар

сфт. Ёмғир ёғган.

Ёмғирли ҳаво. Ёмғирли кун.

сфт. Ёмғир ёғмаган.

Ёмғирсиз ҳаво.

от 1. Ёмғир пайтида кийиладиган, ёпинадиган кийим ёки ёпинчиқ.

Кичикроқ ёмғирпўшни ўзи кийди-ю, отга минди. — П. Қодиров, Қора кўзлар

2. Ёмғир пайтида бошга тутиладиган буюм; зонтик.

Муқаддам ёмғирпўшини эшик олдидаги михга илди. — Ў. Ҳошимов, Баҳор қайтмайди

от айн. Ёмғиргарчилик.