Поиск

ot Biror maqsad uchun xalqdan (xonadon boshiga yoki jon boshiga) olinadigan haq, pul yoki buyum; soliq

[Mingboshi:] Besh yildan beri oʻlponni bermaysan, soliqni toʻlamaysan, yigʻim desa, joning boʻgʻzingga keladi, oʻlaksa. — M. Ismoiliy, Fargʻona tong otguncha

ot 1. Gʻam-alam, ogʻriq, iztirob va shu kabilar tufayli yuzaga keladigan ruhiy holatning koʻz yoshi, oʻziga xos tovush bilan kuza-tiladigan ifodasi, shunday holat bilan yuzaga keladigan koʻz yoshi, tovush.

Kampir yigʻidan oʻzini tiyolmadi. Goʻdak yigʻisi.

Gʻulomjon yigʻlab yubordi. Uning yigʻisi ustiga bolalar yugurib kirishdi. — M. Ismoiliy, Fargʻona tong otguncha

Ichkari uydan kelayotgan chaqaloq yigʻisi Ahmadning fikrini boʻldi. — F. Musajonov, Himmat

Endi yigʻidan foyda yoʻq. Boʻldi, bas qil. — K. Yashin, Hamza

2. etn. Marhumni xotirlab oʻtkaziladigan aza marosimi.

Yigʻi boshlamoq.

ot Hosilni yigʻib-terib olish ishlari, mavsumi.

Paxta yigʻim-terimi. Jamoa xoʻjaliklari yigʻim-terimga kirishdilar.

Yigʻim-terimni olganimizdan keyin boshlasak, sovuq tushmay bitiramiz. — A. Qahhor, Qoʻshchinor chiroqlari

ot Dehqonchilik hosilini yigʻishtirib olish ishlari, shunday ishlar jarayoni, mavsumi.

Yoz bor, kuz bor, pishiqchilik, oʻrim-yigʻim bor, xudo xohlasa. — P. Tursun, Oʻqituvchi

Endigi muhim vazifa — oʻrim-yigʻimni gʻoyatda qisqa fursatda uyushqoqlik bilan oʻtkazish, isrofgarchilikka yoʻl qoʻymaslikdan iborat. — Gazetadan

Таможенные сборы