Изоҳли луғат
· яна 4 та луғатда
от 1. Қуёш ботгандан бир-икки соат кейинги вақт; тахминан кеч соат еттидан ўнгача давом этувчи вақт.
Кеч кирди, хуфтон бўлди, баъзи ўтовларда чироқлар ўчди. — Ж. Шарипов, Хоразм
2. дин. Қуёш ботгандан бир ярим соат ўтгач ўқиладиган кечки намоз.
[Тиллабой] Овқатларни хўп еб олгандан кейин, хуфтонни намозшомдаёқ чала-чулпа ўқиб олиб, дарров ухлаб қолар эди. — П. Турсун, Ўқитувчи
- Дили (ёки кўнгли, таъби) хуфтон Кўнгли ғаш; хафа. Бўрининг дили хуфтон бўлди. — Т. Мурод, ҚўшиқКўнглим бирдан хуфтон бўлиб, ўзимни ҳақоратлангандек сездим. — М. Қориев, Ойдин кечалар
- Етти (ёки икки, уч) хуфтон Алламаҳал, аллавақт. Хайри ачанинг чоли азонлаб тегирмонга чиқиб кетади, шу билан икки хуфтонда қайтади. — Д. Нурий, Ос мон устуниҚўли кишанли Авазни сарбозлар етти хуфтонда мозористонга олиб келишди. — С. Сиёев, Аваз
- Хуфтон намози Чол хуфтон намозини ўқиш учун тахмондан жойнамозни олиб, намат устига тўшамоқда эди. — Ш. Холмирзаев, Оғир тош кўчса