Қидирув

от 1. Чўмилиш, ювиниш учун ясалган катта узунчоқ тос, идиш.

Сирланган ванна. Ваннада чўмилмоқ.

Нам сочининг йилтиллаб туриши қизнинг ҳозиргина ваннадан чиқиб келганлигидан далолат берарди. — Ж. Абдуллахонов, Орият

2. тех. Ҳар хил эритма, суюқлик ва шу кабиларни солиш ёки турли жараёнларни олиб бориш учун фойдаланиладиган махсус идиш.

Ремонт олиб борилаётган ёпиқ майдонча бу ишга мутлақо мослаштирилмаган: бу ерда верстаклар, ванналар ёʻқ. — Газетадан

3. Гигиена ва профилактика мақсадида сув, балчиқ, ҳаво ёки офтоб таъсир эттириш ёʻли билан амалга ошириладиган муолажалар; даволаш (даволаниш)нинг шундай воситаси.

Қуёш ваннаси. Ҳаво ваннаси.

Ёз ойларида бу ерда [Чимён сувида] ҳар куни беморлар икки юзга яқин ванна олишади. М. — Мансуров, Чимён суви

Совуқ пайтда — иссиқ, иссиқда — совуқ сувли оёқ ваннаси қабул қилинади. — Фан ва турмуш

Турли хил даволаш ванналари беморларнинг соғлиғини яхшилашда катта рол ўйнамоқда. — Газетадан

от Ванна ўрнатилган уй, хона.

Энди ўрнимдан турсам бир ваннахонага чиқиб яхшилаб ювинсам Чўлпон, — Кеча ва кундуз

[Расул ака] Боя ўзи ўт ёққан ваннахонага чўмилгани кириб кетди. — М. Исмоилий, Бизнинг роман

от Африка, Жанубий Америка, Шимолий-Шарқий Австралия ва Жанубий Осиё-да: ўсимликларнинг тропик ўрмонлар ва саҳролар оралиғида тарқалган минтақавий типи; унда баланд, бўлиқ ўтлар орасида ҳаккам-дуккам ёки тўп-тўп дарахтлар ҳамда буталар ўсади.

Чўчима, раққоса! Тамтам сасидан Энди янграб кецин саванналар ҳам. — Ҳ. Шарипов, Қуёшга ошиқман

Иссиқ поясдаги чўллар саванналар деб аталади. — География

Менинг кўз ўнгимда товланди ҳатто Беқарор Африка саванналари. — М. Кенжабоев

(алсо саванна)[К,У] саванна, тропик чўл-биёбон

н ўзбекчасаванна, тропик чўл-биёбонрусчасаванна