Поиск

sft. Tori boʻlgan, tor tufayli ovoz beradigan.

Torli musiqa asbobi. Toʻrt torli tanbur. Sim torli dutor.

Chang — oʻzbek xalq cholgʻu asboblari orasida eng koʻp torlisi hisoblanadi. — Gazetadan

sft. 1. Eni, kengligi uncha katta boʻlmagan; ensiz, kambar.

Tor lenta. Top koʻcha. Top yoʻlak.

U baland boʻyli, peshonasi tor, oʻtkir yuzli, beti ham soqoliday qop-qora kishi. — Oybek, Tanlangan asarlar

2. Hajmi, sigʻimi uncha katta boʻlmagan; siqiq.

Tor uy. Tor kiyim.

Qoratoy turdi, tor va dim hovlida boʻgʻilgan kabi, eski, yirtiq koʻylagi bilan yelpindi. — Oybek, Tanlangan asarlar

Ushbu keng dunyo koʻzimga boʻldi tor! — A. Qodiriy, Oʻtgan kunlar

Avaz yarim soatcha dam tortib oʻtirdi-yu, bu tor, nim-qorongʻi ustaxonadan zerikib chiqib ketdi. — S. Siyoyev, Yorugʻlik

Domla, boshida chamandagul doʻppi, egnida kalta va tor katak koʻylak. — A. Qahhor, Toʻyda aza

3. koʻchma Chegarasi, koʻlami uncha katta boʻlmagan, chekli.

Tor soha. Tor doirada qoʻllanadigan soʻzlar.

4. koʻchma Juda qattiq, baxil odam haqi-da.

Torga tor dunyo, kengga keng dunyo. — Maqol

5. Doʻppi tor kelmoq Noqulay, nochor, tang ahvolda qolmoq, ahvoli mushkullashmoq.

Baʼzi qallob odamlar uchun nima koʻp — vaj-korson koʻp. Doʻppi tor kelganda, ogʻizlariga kelganni qaytarishmaydi. — Gazetadan

Doʻppi tor keldimi, darrov Joʻraboyevning panohiga tiqilishadi. — Sh. Rashidov, Boʻrondan kuchli

Yolgʻon chiqib gapi, doʻppi tor kelsa, Hech kim yoʻgʻin poylab soʻraydi uzr! — S. Abduqahhor

koʻzi tor savdogarlarni satira ostiga oladi. — Mushtum

Oʻzlariyam oʻlguncha koʻzi tor, ziqna odam, pul boʻlsa-boʻlgani — Gʻ. Gʻulom, Shum bola

ot 1. Tor holatga egalik. Yoʻlning torligi. Uyning torligi. Menga eshik torlik qildi.

Endi Gʻiyosiddinga Andijon torlik qildi. — S. Ahmad, Hukm

Kampirning torgina hovlisiga u goʻyo uchib kirdi. Hovlining torligi ham bilinmadi unga. — Guldasta

2. koʻchma Oʻtaketgan qattiqlik, xasislik.

[Kuyov] Oʻta ziqnalikdan, torlikdan, damlab ichadigan choylarini ham oʻlchab beradigan boʻldi, tiyinlarini tuflab tugdi. — Sh. Gʻulomov, Sahroda

torli gravimetr Erkin tushish tezlanishining oʻlchovi sifatida xususiy tebranish chastotasidan foydalaniladigan gravimetr.

Chiqish signalining amplitudali yoki chastotali modulyatsiyasini amalga oshirish uchun moʻljallangan, uchinchi elektrodi boʻlgan magnetron.

Torli oʻlchash oʻzgartirgichiga ega tenzometr; deformatsiya tarang tortilgan tor choʻzilishida uning xususiy chastotalarining oʻzgarishi boʻyicha aniqlanadi.