фл. 1. Тебранма ҳаракатга келтирмоқ, бир текисда у ёқ-бу ёққа чайқалтирмоқ; умуман қимирлатмоқ.
Бошни тебратмоқ. Бешикни тебратмоқ.
Майин тонг шабадаси ранг-баранг гулларни секин тебратиб, атирларини ҳар ёққа сепади. — Ойбек, Танланган асарлар
Узун сариқ капгирини бир мақомда тебратиб чиқиллаётган катта девор соат узиб-узиб данғиллай бошлади. — П. Турсун, Ўқитувчи
2. Жойидан қўзғатмоқ, бирор томонга сурмоқ, силжитмоқ, қимирлатмоқ.
Уни ҳеч тебратиб бўлмайди, шунақанги оғир карвон.
Амир Бадриддин кучли хатарлар билан душманни аста-аста тебратиб, ҳаракатдан маҳрум қилишга тиришарди. — Ойбек, Навоий
3. кўчма Ларзага келтирмоқ, солмоқ.
Мен гапимни тамом қилиб, эндигина блиндажга тушиб кетмоқчи эдим, қандайдир снарядларнинг чинқириғи қулоққа хунук эшитилди ва бирин-кетин гумбурлаб, ўрмонни тебратиб юборгудек бўлди. — А. Убайдуллаев, Қонли издан
4. Бирор ишни олиб бормоқ, юргизмоқ.
Оилани тебратмоқ.
У [Маҳмуд Торобий] саҳардан то шомгача меҳнат қилиб, катта рўзғорини тебратиб турарди. — М. Осим, Маҳмуд Торобий
Икки ўғил уйни гулдай тебрата бошлади. — А. Раҳмат, Эллик бир баҳодир
Бундан кейин деҳқончиликни билим-сиз тебратиш қийин-да. — Ҳ. Назир, Энг муҳими
Гапига гап топиб беролмай, сувга тушган мушукдай бир чеккада ўтиришлик ҳолинг бор экан, идора тебратиш сендақага ёʻл бўлсин. — Ж. Абдуллахонов, Хонадон
- Қалам тебратмоқ Ижод қилмоқ, ёзмоқ. Маъруф Назаров кинематография, драматургия ва қўшиқчилик соҳасида ҳам дадил қалам тебратяпти. — Х. Ёдгоров, Ҳаёт тўл-қинлариЁзувчи қандайдир таниш манзарани, таниш шахсни кўз олдига келтириб туриб, қалам тебратади. — У. Норматов, Талант тарбияси