фл. 1. Буклаб, тахига солиб қўймоқ; буклаб, тахига солиб жойламоқ.
Онам устимдан чопонимни ечиб олиб, тахлаб қўйибдилар. — Э. Раимов, Ажаб қишлоқ
Мен шамшод хивичидан тўқилган буклама курсичамни тахладим. — Гулдаста
Хотин индамади, рў(й)жани тахлаб, столнинг устига суриб қўйди. — А. Қаҳҳор, Асарлар
2. Устма-уст термоқ, устма-уст қўйиб жойламоқ.
Татар аёл китобларни бир чеккага тахларди. — Ў. Ҳошимов, Қалбингга қулоқ сол
Ота чайланинг тўрига тахлаб қўйилган кўрпалар устидаги ёстиққа ишора қилди: — Ҳеч уялиб-нетиб ўтирма. — С. Анорбоев, Оқсой
3. кўчма Уст-устига, кетма-кет келтирмоқ, қўшмоқ, қалаштирмоқ(гап-сўз ва шу кабилар ҳақида).
Кейин биринчи навбатда нима ишлар қилиш кераклигини тахлаб ташлади. — Ж. Абдуллахонов, Тўфон
Мактаб директори Соат Починов., бирпасда талай гапни тахлаб ташлади. — Газетадан
баҳона тахлаб ташлаётган Жавҳардан Расулжоннинг жаҳли чиқди. — Ж. Абдуллахонов, Хонадон