Qidiruv

ot 1. Oqish va oʻzi ishgʻol qilib turgan idish hajmini olish xususiyatiga ega boʻlgan modda.

Kichkinagina, penitsillin shishasida qandaydir oppoq suyuqlik edi. — S. Ahmad, Jimjitlik

Jazirama yoz kunlari yantoq oʻzidan sargʻish yelimga oʻxshash suyuqlik ajratib chiqaradi. — Fan va turmush

U kunda uch mahal bemorning qon tomiriga igna sanchib, allaqanday suyuqlik yuboradi. — S. Siyoyev, Avaz

2. fiz. Moddaning qattiq va gazsimon holatlari oʻrtasidagi mexanik holat.

Moddaning suyuqligi. Sutning quyuq yoki suyuqligini oʻlchamoq.

3. koʻchma Suyuq kishilarga xos ish, xatti-harakat, yurish-turish, qiliq.

Kunlardan birida u, beadablik qilgani uchun, bir shaddod qizdan shapaloq yegani esida. Oʻsha-oʻsha, Valivoy qizlarga suyuqlik qilmaydigan boʻldi. — H. Nazir, Onaizor

sft. 1. Oqish va oʻzi ishgʻol qilib turgan idish shaklini olish xususiyatiga ega boʻlgan.

Suyuq jism. Suyuq modda, Suyuq yoqilgʻi.

Suyuq shisha.

Kimyoviy faol, qattiq, suyuq va gazsimon moddalar bilan reaksiyaga kirishadi. — OʻzME

2. Suvi meʼyoridan ortiq yoki nisbatan koʻp boʻlgan; sersuv.

Ya na bir ketmon urganda, ajriqzordan bilqillab suyuq loy chiqdi-da, keyin kuchli tiniq suv tikka otildi. — I. Rahim, Chin muhabbat

3. Maza, kuch beruvchi tarkibiy qismi meʼyoridan kam yoki nisbatan oz boʻlgan; kuchsiz.

Suyuq sut. Suyuq qatiq. Suyuq eritma.

Haydarboyning koʻrimsiz choynaklaridagi quyuq va suyuq choylari bu yerdagi juda koʻp odamlarning ham, oʻtgan-ketgan yoʻlovchilarning ham chanqovini bosib turadi. — P. Tursun, Oʻqituvchi

4. Unchalik qalin, zich boʻlmagan, hakkam-dukkam, siyrak.

Suyuq tutun.

Oftob hali qor tashlagan suyuq, oqish bulutlar ortidan chiqmagan boʻlsa ham, tushga borib, hamma yoq ilib ketdi. — P. Qodirov, Uch ildiz

5. koʻchma Mazmunan sayoz, siyqa yoki bemaza.

Suyuq gap. Suyuq asar.

— Postanovkang yogʻi olingan sutga oʻxshaydi, suyuq, — deb tanqid qildim. — S. Abduqahhor, Sanamay sakkiz dema

6. koʻchma Fahsh yoʻliga kirgan; buzuq.

Suyuq erkak.

[Umar] Koʻp yurdi, koʻp topdi, topganini sovurdi. Albatta, u pullar suyuq ayollar yoʻliga ketdi. — Sh. Xolmirzayev, Bodom qishda gulladi

molekulalari betartib joylashib, vaqti-vaqti bilan bir muvozanat vaziyatidan boshqasiga sakrab oʻtib turadigan moddalar.Жидкости — это вещества, в которых молекулы расположены неупорядоченно и время от времени совершают перескоки из одного положения равновесия в другое.

suyuqlikning ayni bir sathida hamma yoʻnalishlar boʻyicha bir xil boʻladi. Chuqurlik ortgan sari bosim ortadi.Давление в жидкости. На одном и том же уровне одинаково по всем направлениям, с глубиной давление увеличивается.

Sezgir elementi inersion massaning gidravlik osma tizimiga ega boʻlgan akselerometr.

musbat va manfiy ionlar tufayli sodir boʻladi (ionli oʻtkazuvchanlik).Электрический ток в жидкостях обусловлен положительными и отрицательными ионами (ионная проводимость).