Қидирув

от Тан соғлиги, соғлик, соғломлик.

Сиҳатингиз яхшими? Тан-жонингиз сиҳатми? Сиҳат тиласанг — кўп ема, иззат тиласанг — кўп дема. — Мақол

Серёмғир, рутубатли Мозандарон Ибн Синонинг сиҳатига футур етказган, қувватдан кетказган эди. — М. Осим, Ибн Сино қиссаси

Сиҳати бугун хийла дуруст, лекин аввалги кунлардаги каби руҳиятига эзғин бир титроқ солиб, қулоқлари остида бетиним денгиз шовқини-ю ўтакаси ёрилган одамларнинг оҳу фарёдлари тўхтовсиз эшитилмоқда. — Н. Қиличев, Чиғириқ

от Беморлар ётиб даволанадиган махсус профилактик даволаш муассасаси; санаторий.

Юртимизда ҳам шундай гўшалар мавжуд бўлиб, улардан бири Тошкент вилоятининг Қибрай туманидаги Ботаника сиҳатгоҳидир. — Гулистон

Биз дам олаётган сиҳатгоҳ тоғли ҳудудда жойлашган. — Шарқ юлдузи

от Тан-жони соғлик, саломатлик.

Сиҳатлик тиламоқ.

Нигора қадам босган чўпонларнинг чайлаларига у билан бирга шодлик, сиҳатлик кириб боради. — С. Анорбоев, Оқсой

сфт. кам қўлл. Сиҳати, соғлиғи ёмон; касалманд, касал.

Сиҳациз одам. Сиҳациз бўлиб қолмоқ.

фл. Касалдан яхши бўлиб турмоқ, тузалмоқ.

Бир ой касалхонада ётиб сиҳатланиб кетдим.

от Хасталик, беморлик.