Qidiruv

ot tib. Nihoyatda kuchli, favqulodda taʼsirotlar (ogʻir jarohat, kuyish, miokard infarkti, buyrak sanchishi, mos boʻlmagan qon quyish, ruhiy kasallik va shu kabilar) natijasida markaziy nerv sistemasi, qon aylanishi, nafas sistemalari faoliyati hamda moddalar almashinuvining keskin buzilishi bilan ifodalanadigan, hayot uchun xavfli ogʻir patologik jarayon.

ot 1. Dasturxon, sochiq, darparda, roʻmol kabi buyumlarning chetiga-hoshiyasiga tikiladigan yoki shu gazmolning oʻzidan titib chiqarib yasaladigan bezak; gajim, popuk.

Dasturxon shokilasi.

Islom barlos qalpoqli boshini ogʻir tebratdi-da, koʻzini chodirning koʻrkam uqalari, rang-barang ipak shokilalari osilib turgan shipga tikdi. — Oybek, Navoiy

[Latofat] Parda shokilasiga tirmashayotgan kapalakni koʻrdi. — S. Karomatov, Hijron

2. Baʼzi buyumlarga bezak uchun osib qoʻyiladigan shu shakldagi taqinchoqlar.

Oʻrtaga osilgan katta qandilning asosi zarhaldan boʻlib, elliklab lampochkalar va minglab billur shokilalar unga zeb berib turardi. — T. Jalolov, Oltin qafas

ot Katta kosa.

Anzirat xola bir shokosa shirgurunch keltirib, Sidiqjonning oldiga qoʻydi. — A. Qahhor, Qoʻshchinor chiroqlari

Maxsum hammaning oldiga shokosalarda shirchoy qoʻydi. — A. Muxtor, Opa-singillar

ot Kakao, shakar, sut va xushboʻy dorivorlar aralashmasidan qilinadigan aʼlo sifatli konfet yoki plitka shaklidagi shirinlik.

Bozorov yashiklarni ochib qoʻydi: oq qand, shokolad, konfet, sovun, atir, upa. — I. Rahim, Chin muhabbat

sft. Shokilasi bor, shokila bilan bezatilgan.

Shokilali dastroʻmol.

nos kadisidan shokilali tiqinni shoshilmay oldi, kaftiga nosdan solib, tilining ostiga otdi. — K. Yashin, Hamza

Shiftda oppoq shokilali bahaybat qandil, toʻrda devor baravar garnitur — S. Siyoyev, Otliq ayol

sft. ayn. Shokilali.

Beliga shokilador shoyi chilvir bogʻlab yurar, choʻqqi soqoli istarasini yana ham issiq qilib koʻrsatardi. — J. Abdullaxonov, Xonadon