Hayot Foundation loyihasi
Loyiha haqida
Oʻz
Oʻz

Qidiruv

«qorovullik» boʻyicha 26 ta natija: Lugʻatlar

Filtr
Boʻlim
Lugʻatlar Ertaklar
Lugʻat turi
Izohli Tarjima Terminologik
Tildan
Oʻzbekcha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Turkcha

Lugʻat maqolalari

8 ta
qorovullik
Izohli lugʻat · yana 1 ta lugʻatda

ot 1. Qorovul ishi, vazifasi; qorovul turish.

Qorovullik qilmoq.

Oz yerli va yersizlar chorakorlik, qorovullik yoki boshqa biror kasb bilan mashgʻul edilar. — S. Ayniy, Esdaliklar

Qorovullik shtatiga kiritib qoʻyaman. — T. Ashurov, Oq ot

2. Harbiy qorovul xizmati.

  • Qorovullik qilmoq 1. Qorovul vazifasi da ishlamoq. Shaharda qorovullik qilamanmi, qovun tilib sotamanmi, mening ishim. — Mushtum;Yoʻlda quduq yonida tunab, ovqatlanib uxlashdi. Zulfiqor bilan Zavrak uxlamay, galma-gal qorovullik qilishdi. — Mirmuhsin, MeʼmorRahim oʻtoqchilarga choy, non, gazetalar yetkazib berib turishi, ular dam olganda, kiyimlar va as-boblarga qorovullik qilishi kerak edi. — H. Nazir, Soʻnmas chaqmoqlar
Toʻliq maqola →
qorovul
Izohli lugʻat · yana 4 ta lugʻatda

ot 1. Biror obyektni qoʻriq-lovchi qurolli shaxs, shaxslar guruhi; posbon, soqchi.

Oʻrda qorovuli.

Podshoning Buxoroga kelishi munosabati bilan koʻchalar tozalangan, qorovul-u yasovullar yoʻllarga tinmay suv sepishardi. — Mirmuhsin, Meʼmor

Ark qorovullari kiyimlarini yechib, koʻrpalariga choʻzildilar. — S. Ayniy, Doxunda

2. Biror obyektga ziyon-zahmat yetkazmaslik, unda tartib-intizom va shu kabilarni saqlash uchun, qoʻriqlash uchun qoʻyiladigan shaxs; qoʻriqchi.

Oʻrmon qorovuli. Bogʻ qorovuli. Koʻcha qorovuli.

ToshMI darvozasi oldida qorovul ularni toʻxtatdi. — Oʻ. Umarbekov, Yoz yomgʻiri

Mozorni qirtishlab tozaladi. Goʻriston qorovuliga pul berib, qurʼon tilovat qildirdi. — Oʻ. Hoshimov, Qalbingga quloq sol

3. Kuzatib, ogoh boʻlib turuvchi.

Umrzoq koʻprikning narigi chetida qorovul boʻlib turish uchun ketdi — P. Qodirov, Yulduzli tunlar

Lekin ellikboshi Yoʻlchining iziga qorovul tushirganligidan xabardor boʻlgan Qoratoy Yoʻlchining tadbirlarini maʼqul koʻrmadi. — Oybek, Tanlangan asarlar

4. harb. Biror obyektni saqlash, muhofaza qilish vazifasi yuklatilgan harbiy boʻlinma.

Garnizon qorovuli.

Qoq yarim kechada qorovullar trevoga koʻtarishdi. — Oybek, Quyosh qoraymas

5. Nishonga olish uchun miltiq, pistolet kabi qurollarning stvoli uchiga oʻrnatilgan boʻrtiqcha; mushak.

Ahmadjon shoshmasdan miltigʻini oʻngladi. Uzoqdan dumsiz kaltakesakka oʻxshab koʻringan fashistni qorovulga qoʻndirib, tepkini bosdi. — A. Qahhor, Oltin yulduz

Toʻliq maqola →
qorovulxona
Izohli lugʻat · yana 2 ta lugʻatda

ot Oʻz vazifasini bajarayotgan qorovul turadigan yoki dam oladigan xona, joy.

Hammani gunohkor qilib, qorovulxonaga olib borib qamab qoʻydilar. — Goʻroʻgʻli

Sherbek qorovulxonadan chiqqach, toʻgʻri Qiziljarga joʻnadi. — S. Anorboyev, Oqsoy

Toʻliq maqola →
qorovullamoq
Izohli lugʻat · yana 1 ta lugʻatda

fl. Qorovul turib saqlamoq, qoʻriqlamoq.

Omborni qorovullamoq. Polizni qorovullamoq. Chorvani qorovullamoq.

Saʼdi chol podaning oldiga oʻtdi, Xolmurod paykal tomonni qorovullab qoldi. — Yoshlik

Toʻliq maqola →

Hammasini koʻrish · 8 →

Taʼriflar ichida

18 ta
soqchilik

soqchilik Qoʻriqchilik, posbonlik, qorovullik. Nazirqul bunday yashirin suhbatlarga koʻp marta soqchilik qilgan. S. Ahmad, Hukm

qorovulchilik

qorovulchilik ayn. Qorovullik 1. Badia — Men qorovulchilik qilaman, — dedi. Bu — ham iltifot, ham farmon edi. Mirmuhsin, Meʼmor

islovot

islovot s. t. esk. Islovotxona, fohishaxona. Nekalayning zamonida qaynatam Iskobildagi islovotda yetti yil qorovullik qilgan. S. Ahmad, Hukm

Hammasini koʻrish · 18 →