фл. 1. Секин-аста ёки ғимир-ғимир ҳаракат қилмоқ, у ён-бу ён бориб-келиб, силкиниб турмоқ; тебранмоқ.
Шамол бўлмаса, дарахтнинг боши қимирламайди. — Мақол
Қурбон ота чўкка тушган, икки қўли тиззасида, худди сурат олдираётгандай ҳеч қимирламайди. — А. Қаҳҳор, Тўй
Шу вақт тахмонга осилган кирпўш ўз-ўзидан қимирлагандай бўлди. — А. Қодирий, Ўтган кунлар
Умурзоқ ота ана шу хаёллар билан экан, икки қармоқ бирин-кетин қимирлаб қолди. — Ҳ. Ғулом, Машъал
2. Жойидан қўзғалмоқ, жилмоқ, силжимоқ, нари кетмоқ.
Шу жойдан қимирлама. Бемор олдида қимирламай ўтирмоқ.
Ғир этган шамол ёʻқ, от-арава кўтарган чанг, ҳавода узоқ вақт қимирламай туриб қолар эди. — Ойбек, Танланган асарлар
3. Кўчма Иш, ҳаракатда бўлмоқ, чалишмоқ; юрмоқ.
Тезроқ қимирланг, кеч қоляпмиз. Қимирлаган қир ошар. — Мақол
Йигирма учта машинамиз бўлса-ю, шундан бор-ёʻғи тўрттаси қимирласа-я! — Муштум
4. Бирор иш-машғулот билан банд бўлмоқ, шу туфайли кун кечирмоқ, тирикчилик қилмоқ.
Раҳматлик бувам ўлганларидан кейин самовар ўзимга қолди. Ёш бўлсам ҳам, чойхонада қимирлаб турибман. — Б. Раҳмонов, Мардлар қиссаси
Мен ҳам, албатта, тек ўтирмай, кучим етганча қимирлаб турибман. Қурт тутамиз. — А. Қаҳҳор, Қўшчинор чироқлари
Жони бор одам қимирлаб туриши керак — унинг фалсафаси шу. — Ҳ. Ғулом, Машъал
Бе-е, менда пўлат нима қилади, тақсир. Эски тақалар, темир-терсаклар билан зўрға қимирлаб турибмиз. — М. Исмоилий, Фарғона тонг отгунча
- Қимирлаб қолди 1. Қимирлаш ҳолати юз берди ( Одамларга жон киргандай, бир-бирларига жилмайиб, қимирлаб қолишди. — Э. Раимов, Ажаб қишлоқНарх-наво қимирлаб қолди.Муз кўчди, ўртоқ Сафаров, ўрта деҳқон қимирлаб қолди. — А. Қаҳҳор, Қўшчинор чироқлари
- Қимирлаган жон Тан-жони соғ, жони бор ҳар бир одам, инсон зоти. Қимирлаган жон ёʻқ эмиш. Беҳиштдай бир олам эмиш. — Т. Мурод, От кишнаган оқшомКечки куз бободеҳқонни жуда ташвишлантириб қўйди, қимирлаган жонда яхши ташвиш. — ГазетаданАйниқса, йиғим-терим пайтлари қимирлаган жон борки, далада кўрмаса, кўнгли юпанч топмас эди. — Ж. Абдуллахонов, Хонадон