Qidiruv

ot 1. Qoʻriqlash va mudofaa qilish uchun soqchiga yoki soqchilar guruhiga topshirilgan joy.

Mayli, yomgʻir, qor yogʻsin, Oʻz postimdan ketmayman. Askarlik qasamimga Hech xiyonat etmayman. — Uygʻun.

Mayli, igʻvolarda oy ham tutilsin, Shu postda soldatsan, toki hayotsan. — Gʻ. Gʻulom, Tanlangan asarlar

Biz, Vatan himoyachilari, oʻz postimizda hushyor tursak, hech kim bizning tinch va osoyishta hayotimizga raxna sololmaydi. — Gazetadan

2. Muayyan hududni qoʻriqlash, kuzatish uchun qoʻyilgan yoki yordam koʻrsatish uchun uyushgan kishilar guruhi.

Sanitariya postlari.

Remont texnologiyasini tubdan oʻzgartirib, unda remont turlari boʻyicha postlar tashkil etildi. — Gazetadan

ustaxona xalq nazorati posti qanday ish bilan shugʻullanayotgani menga qorongʻi. — Gazetadan

3. Masʼuliyatli lavozim, mansab, vazifa.

Direktorlik posti. Rahbarlik posti

— Avval kattaroq postda ishlaganmisiz? — E, yoʻq, — dedi u kishi, soddaligimni koʻrib, zavqi keldi chogʻi, tizzalariga urib kuldi,- Bozorda oddiy pattachi boʻlganman. — N. Aminov, Qaltis xato

ot Moʻynali oshlangan teridan tikilgan uzun, issiq ustki qishlik kiyim.

Sirma poʻstin. Pocha poʻstin. Odamni poʻstin emas, ish qizdirar. — Maqol

[Darvozabon] Oshlangan qoʻy poʻstagidan poʻstin kiyib belbogʻiga yarim gaz chamali kalid osgan turkman papaxli bir kishi. — A. Qodiriy, Oʻtgan kunlar

sft. Poʻstin tikish uchun yaraydigan.

Poʻstinbop teri. Poʻstinbop qoʻylar.

ot Poʻstin tikadigan usta, moʻynadoʻz.

Poʻstindoʻzga buyurtma bermoq.

Pahlavon Mahmud 1247-yili Xiva yaqinida poʻstindoʻz oilasida dunyoga kelgan. — H. Homidiy, Tasavvuf allomalari

n sheepskin for fur coat or short sheepskin coat, sheepskin jacket

postın tigiwshilik