ot 1. Hayvonlar oyogʻining tizzadan pastki qismi.
Boʻri qoʻyning pochasidan olibdi.
Uloqchi, qamchinning dastasini tishlab, uloqning pochasidan tortadi. — Gazetadan
2. Oyoqning tizza bilan toʻpiq oʻrtasidagi qismi; boldir.
It pochamdan oldi.
Nusratbekning tanidagi titroq bir oz pasaydi. Sekin, salmoqli odimlab borayotib, oʻz xatti-harakatini oqlashga urinib, oʻziga tasalli bera boshladi: Yoʻldan chiqqan har qanday daydi laycha vovullab, pochamga yopish-sa, indamay ketaveramanmi?. — S. Nurov, Narvon
Gʻaybulla qizarib, oʻrniga borib oʻtirmoqchi edi, Hasan uning pochasiga yopishdi. — S. Siyoyev, Yorugʻlik
3. Shimning, shalvarning tizzadan pastki qismi.
Nizomjon, sholikorlikka kiraman, deb shimining pochasini shimarayotgan edi, Toʻlanboyning oʻgʻli kelib qoldi. — S. Ahmad, Ufq
Ogʻzidagi nosini tupurib, bismillo, deganicha shimining pochasini shimarib, ketmon bilan oʻraga tushdi. — S. Ahmad, Saylanma
4. Ustki uzun kiyimning etagiga tikilgan jiyak, hoshiya.
[Shoir] Shohi toʻn ustidan qunduz pochasi bor poʻstinini kiydi. — Oybek, Navoiy
5. Poya. oyoq.
Stul pochasi.
Ota pismiq kelib, karavotning pochasiga suyandi. — E. Raximov, Ajab qishloq
6. Pillapoya, pogʻona.
Mirziyod oyogʻini narvon pochasidan asta oldi. — A. Mirahmedov, Kulgan chechaklar