fl. 1. Ishlov bilan yoki rivojlanib yetilmoq, meʼyoriga, ob-u tobiga yetmoq, foydalansa boʻladigan holga kelmoq.
Loy yaxshi pishidi. Ip hali pishimabdi.
[Rais:] Qalay? Yerlar koʻngildagidek pishidimi? — Oydin, Yuragida oʻti bor
Endi toʻxta, ukajon. Boʻldi-ye, kuvidagi qatiqday pishiyverib, yogʻimni chiqarib yubording. — S. Siyoyev, Otliq ayol
2. koʻchma Koʻpni koʻrib, boshdan kechirib, boy tajriba orttirib voyaga yetmoq, yetuklik darajasiga erishmoq, yetishmoq.
Shaxdam qadam bosib minbarga chiqishidan, gap ohangidan bunaqa davraga koʻp tushib, xiyla pishigan, sertajriba koʻrinadi. — H. Nazir, Mayoqsari
3. Chiniqmoq, toblanmoq.
Kishi mehnatda pishiydi. Yoshsan pishirsan, bu damingdan tushirsan. — Maqol
Ergash Bahromov nemis-fashist bosqinchilariga qarshi olib borilgan janglarda pishidi, chiniqdi, toblandi. — N. Safarov, Olovli izlar
- Koʻzi pish(i)moq
- Qulogʻi pishimoq 1. Eshitaverib koʻnikib qolmoq. Xoʻjayinlarining taʼnalarini eshitaverib, yetimning qulogʻi pishigan, eti koʻnikkan edi. — P. Tursun, OʻqituvchiFotimaning qulogʻi oʻzi koʻrmagan xaridorlari toʻgʻrisidagi gaplar bilan pishiy bordi. — P. Tursun, Oʻqituvchi