Qidiruv

ot Hayvonlarga ozuqa boʻladigan oʻt; oʻrib quritilgan oʻt; xashak.

Bir bogʻ pichan. Pichan oʻrish mashinasi.

Oʻrtadagi uyulgan pichan gʻarami oldidan oʻtib, qorongʻi uyga kirdi. — S. Zunnunova, Olov

Tomga koʻproq pichan bosdi. — E. Samandar, Daryosini yoʻqotgan qirgʻoq

U bostirma devoriga behol suyanib qoldi. Ichkari quruq, pichan isi, ivigan ohak hidi kelardi. — Oʻ. Hoshimov, Qalbingga quloq sol

ot Pichanbop oʻt oʻsgan maydon; oʻtzor.

[Brigadir]Boshida qorakoʻl telpak, egnida kitel-shim, oyogʻida tufli, hozirgina pichanzordan kelganday. — S. Nurov, Narvon

Mana, koʻz oʻngimizda quyoshning hayotbaxsh taftiga tob berib, keng pichanzor vodiy yastanib yotibdi. — A. Shermuhamedov, Oʻt-oʻlanlar vodiysi

ot Pichan saqlanadigan xona, bino.

Pichanxonaga kirib, eshikni tambalab, qalin, mayin va xushboʻy pichanga bolani koʻmdi: Uxla! Yigʻlama! — Oybek, Quyosh qoraymas