от
1.
Парранданинг дум ва қанотларини ташкил қилган, мугузсимон узун найчанинг икки ёнида икки қатор бўлиб ўсиб чиқадиган парлардан иборат аъзоси.
Товуқ пати.
Саид Амин сўйилган ўнтача беданани олдига уйиб қўйиб, патларини юлмоқда. — М. Исмоилий, Фарғона тонг отгунча.
Товус патидан ясалган елпиғичи билан чиройли юзини елпиб-елпиб қўяди. — Х. Тўхтабоев, Ширин қовунлар мамлакати
2.
Мато, гилам ва шу кабиларнинг юзини қоплаган сунъий тук.
Уй ўртасидаги сандал устида исқирт кўрпа, ерда пати тўзиб кетган эски гилам, кичик бир шолча тўшалган. — Н. Сафаров, Оловли излар
Чўққи соқол, бошига пати тўзиб кетган сурмаранг духоба дўппи кийган, кўзойнакли, олтмиш ёшлардаги чол велосипед миниб келиб қолди. — С. Аҳмад, Чўл бургути
- Пати тўзимоқ 1. Тўзондек ҳар ён сочилмоқ, тўзғимоқ.
Улар [самолётлар] орқасидан тўзонли из қолдириб, ўқдай учиб борар, момиқ булутларнинг патини тўзитиб, олға парвоз этар, аммо овози эшитилмас эди. — Ў. Ҳошимов, Қалбингга қулоқ солАсарингни бугун босишмаса, эртага босишади. Назирийнинг битта таънасига дош беролмай, патинг тўзиб кетди-я! Эҳ, афсус! Шу ўринда жиндак худбинлик қилдинг. — К. Яшин, Ҳамза
- Патини юлмоқ Бор-ёʻғини олиб қўймоқ, шилмоқ.
- Қитиқ патига тегмоқ Нозик жойини топиб, жаҳлини чиқармоқ, нафсониятига тегмоқ.
Айниқса, Ғафур Ғуломнинг гаплари баъзиларнинг қитиқ патига тегиб, ўйлантириб қўйди. Шукрулло, — Жавоҳирлар сандиғиБир мажлисда ҳам Шариф Рустамович бировларнинг қитиқ патига тегадиган сўзларни айтганди. — О. Мухторов, Эгилган бош
- Қитиқ патини юлмоқ Нозик жойини топиб, тилини қисиқ, мулойим қилиб қўймоқ.
[Берди:] Мен буларингнинг қитиқ патини юлиб, ром қилиб олмоқчиман! — А. Қодирий, Обид кетмон
- Қитиқ патини ўлдирмоқ
Бунинг қитиқ патини ўлдириб, ром қилиб олишим керак, деган фикр ялт этиб ўтди унинг миясидан. — К. Яшин, Ҳамза
