Qidiruv

ot Orasini ochiq qilib, yonma-yon birlashtirilgan sim, tayoq, temir, sopol, ganch yoki taxtachalardan tayyorlangan yoxud oʻyib yasalgan toʻsiq.

Temir panjara. Deraza panjarasi.

Ammo Anvar hamon soʻri panjarasiga tirsagini tiragancha oyoqlarini chalishtirib, xotirjam turardi. — Oʻ. Hoshimov, Qalbingga quloq sol

Hozir oʻsha devor oʻrnida taroqqa oʻxshagan chiroyli panjara qoʻndirishibdi. — S. Ahmad, Saylanma

Pishiq gʻishtdan boloxonador qilib solingan kattakon uy derazalariga temir panjaralar toʻsilgan edi. — Oʻ. Hoshimov, Qalbingga quloq sol

sft. Panjarasi boʻlgan, panjara oʻrnatilgan, panjara bilan toʻsilgan.

Panjarali deraza.

Park yopilishiga yaqin ikkovi qoʻl ushlashib, yashil panjarali darvozadan shod-xurram chiqib ketishdi. — P. Qodirov, Uch ildiz

Kiraverishda, oʻng tomonda tashqaridagidek panjarali zina hovli boʻylab tushgan ikkinchi boloxona ayvoniga olib chiqadi. — S. Karomatov, Soʻnggi barxan

ot ayn. Panjarali.

Baland qad koʻtargan minora va qubbalar, panjarador chiroyli boloxonalar uning koʻz oldidan birma-bir oʻtaverdi. — P. Tursun, Oʻqituvchi

Qarchigʻayni Miryoqubga topshirgach, panjarador ayvonga chiqdi. — Mirmuhsin, Qahramonnoma

sft. Panjara bilan oʻralmagan, toʻsilmagan.

ot Panjara yasovchi usta.

sft. Panjaraga oʻxshash, koʻrinishi panjarani eslatadigan.