от 1. Овқат бўладиган маҳсулот, ов-қатли дон-дун; емиш.
Озиқ маҳсулоти. Бир кунлик ёʻлга чиқсанг, бир ҳафталик озиқ ол! — Мақол
Ёзнинг ёзиғи — қишнинг озиғи. — Мақол
Йигитлардан бири дастурхон ёзиб, ёʻлга олган озиқларини ўртага қўйди. — А. Қаҳҳор, Мастон
Нима, озиқ биттами, қозон осмадингиз! — Ойбек, Танланган асарлар
2. Ҳайвонлар овқати, ем-хашак.
Ҳайвонлар учун қишга озиқ тайёрламоқ. Қуртларга озиқ бермоқ.
3. Ўсимликлар ўсиш жараёнида ердан оладиган моддалар.
Ўсимликларга қўшимча озиқ бериш. Илдиз озиқ берса, новда кўкарар. — Мақол
- Жон озиғи ёки жонга озиқ Роҳат. Яхши сўз — жон озиғи, ёмон сўз — бош қозиғи. — МақолМайин эсган насими, об-у ҳавоси, Бўлур жонга озиқ завқ-у сафоси. — Ҳабибий
- Маънавий (ёки руҳий) Озиқ Кишига маънавий завқ бағишлайдиган, унинг маънавий жиҳатдан ўсишига, такомиллашувига хизмат қиладиган восита. Гўзал адабиёт — руҳий озиқ. — А. Қаҳҳор, Сароб
- Озиқ тиш Киши ва ҳайвонларнинг овқат чайнаш, эзиш учун хизмат қиладиган тиши; жағ тишлари.