Поиск

sft. 1. Hammaga maʼlum, koʻrinib turgan, ayon; ochiq-oydin.

Oshkor ish. Oshkor ziddiyat. Oshkor muhabbat. Kasalni yashirsang, isitmasi osh-kor qiladi. — Maqol

Rahimov qah-qah urib kulib yubordi. Uning kulgisini mikrofon hammaga oshkor qildi. — S. Ahmad, Jimjitlik

Nechuk, yurak sirlarini oshkor etmoq unga juda zarur boʻlib qolibdi? — Mirmuhsin, Umid

2. rvsh. Yashirmasdan, roʻyirost; oshkora.

Bu gal, el-yurt oldida oshkor, tortinmay uzoq; oʻpishdilar. — Shuhrat, Shinelli yillar

Domla zaharli ekani oshkor sezilib turgan bu chuchmal kulgiga eʼtibor qilmadi. — M. Ismoiliy, Fargʻona tong otguncha

1. ayn . oshkor 2.

Oshkora soʻzlashmoq.

Fotiha boʻlgandan keyin oshkora uchrashuv ularga man etildi. Urf shunaqa, odat shunaqa, nachora. — X. Toʻxtaboyev, Yillar va yoʻllar

Oʻzlaringiz oshkora gaplashib olinglar. Orqadan gʻiybat qilguncha, har qanday gap boʻlsa, shartta betga aytish kerak. — S. Siyoyev, Otliq ayol

2. sft. Ochiq-oydin, hammaga maʼlum boʻlib, koʻrinib turgan; ayon.

Yashirin doʻstdan, oshkora dushman yaxshi. — Maqol

Shaharning koʻp xufiya va oshkora savdogarlari Muhammadrajabga qoyil qoladilar. A. Qahhor, — Sarob

[Nuri] Qizning yuragidagi sirlarni butunlay oshkora qilishni istadi. — Oybek, Tanlangan asarlar

kt. Oshkora.

ot Oshkora xususiyatga egalik; ochiq-oydinlik.

Sudning oshkoraligi.

Oshkoralik salbiy hodisalarga qarshi, jamiyatimiz qonunlarini buzayotgan kimsalarga qarshi qudratli quroldir. — Gazetadan

Raykom vakili, garchi oʻzi biron kishining shaʼniga tanqidiy fikr aytmagan boʻlsa-da, boshqalarni oshkoralikka daʼvat etdi. — Yoshlik

be public

n yur. divulging