ot 1. Shaffof, yaltiroq sof ugleroddan iborat oʻta qattiq, qimmatbaho tosh (tarashlab maʼlum shaklga keltirilgani brilliant deb ataladi).
Olmos yerda qolmas. — Maqol
Tabiatda mavjud boʻlgan nodir toshlar ichida eng mashhuri olmos hisoblanadi. — Fan va turmush
2. Shunday tosh oʻrnatilgan keskich; olmosli keskich.
Olmos bilan oyna kesmoq.
3. Olmosdan yasalgan, olmos bilan beza-tilgan, ziynatlangan.
Olmos qilich. Olmos zirak.
4. koʻchma Shunday tosh singari oʻtkir, keskir; qimmatli, bebaho.
Inson aqli — olmos. — Maqol
Bu olmos satrlar muallifi buyuk shoir va mutafakkir Pahlavon Mahmudga qoʻyilgan yodgorlik qadimiy Xorazm ustalari qanday moʻjizavor sanʼat obidalarini yaratishga qodir boʻlganliklaridan guvohlik berib turibdi. — N. Safarov, Olovli izlar
Kuyla, sozim, yuragim, sheʼrim, Baxt kitobin qilgil tarona. Zamirida huquq, erk, nomus. Har bir satri olmos, durdona. — Bayratiy