от 1. Ўрганиш бўлиб қолган ҳаракат, қилиқ.
Яхши одат. Ёмон одат. Сенинг одатинг менга маълум. Бу отнинг тишлайдиган одати бор. Одат қилмоқ.
Тарки одат — амри маҳол. — Мақол
Ҳасаналининг ортиқча берилиб ўйлаган кезда соқолини қайириб тишлайдиган бир одати бўлиб, ҳозир ҳам соқолини ямлаш билан машғул эди. — А. Қодирий, Ўтган кунлар
Ҳар қандай ерга сўрамай-нетмай кириб боравериш оқсоқолга одат эди. — П. Турсун, Ўқитувчи
2. Ота-бободан қолиб келаётган ва кишиларга сингиб кетган ёки янгидан сингиб бораётган расм-русум, удум, тартиб.
Эски одат.
Йилни ўн икки ҳайвон номи билан аташ одати ва 12 йиллик давр билан вақт ҳисоблаш анъанасига Қадимги Хитойда асос солинган. — Фан ва турмуш
Эрталаб, одат бўйича, Нури тўр рўмол ёпиниб, бешикдаги боладан то кексаларга қадар — ҳаммага салом қилар экан. — Ойбек, Танланган асарлар
Ҳатто шундай бир одат борки, кимдир вафот қилса, унинг тобутини кўтариш олдидан, албатта, кўпчилик ўртасида, марҳумнинг олган-бергани борми, деб сўралади. — Шукрулло, Сайланма
- Одатдан ташқари Одатдагича эмас, ундан ўзгача; фавқулодда. Саман ёʻрға ёʻлга тушди, човига одатдан ташқари бир-икки қайта келиб тушган аччиқ қамчи зарбидан бир онда кўздан ғойиб бўлиб кетди. — А. Қодирий, Ўтган кунлар