Қидирув

олм. 1. с.т. Бунча, шунчалик, бу даражада, бу миқдорда.

Мунча ҳам чиройлисан, азиз Ватаним. — Ғ. Ғулом

2. унд. с. взф. Ҳаракатнинг ҳаддан ошиқлигини, ортиқ ҳаяжон, таъсирланганликни ва шу кабиларни билдиради.

[Хотини эрига:] Ҳа, мунча! Туртмасдан гапира беринг. — А. Қаҳҳор, Анор

от с. т. Бунчалик, бу қадар.

Ўзбек ойим Отабекка: Келин билан ичсанг бўлар эди? Бировнинг боласини мунчалик хўрлаш яхши эмас. — А. Қодирий, Ўтган кунлар

1. Бир неча, бир қанча, анчагина.BİR HAYLİ

2. Бир қадар; маълум даражада.

Талайгина, анчагина.

Анча-мунча нарса. Анча-мунча одам йиғилди. Анча-мунча иш қилинди.

Чорбоғдаги дарахтлар ҳам анча-мунча. — Ёшлик

олм. 1. Озроқ миқдорда; бир оз, сал-пал.

Қизи тушмагурнинг тили унча-мунча аллага ҳам келиб қолди. — Ҳ. Ғулом, Машъал

Қараса бўлмайдиган, участка қуриш вақтида унча-мунча чиқимдор бўлиб қолибди. — Муштум

Холиқова унча-мунча юридик маълумотга эга. — М. Иброҳимов, Ёʻлакдаги муҳаббат

Ўзи ҳам унча-мунча нарса йиғиб қўйган. — С. Нуров, Нарвон

2. Ўрта даражадаги; оддий, жўн.

Сиз унча-мунча одамнинг ишини ойдинда оёғингиз билан қилиб қўясиз. — П. Қодиров, Уч илдиз

[Ўтбосар:] Унча-мунча машиначиларни назаримга илмай, бир кун шаҳарнинг энг машҳур тикувчиларидан бирига бордим. — Ғайратий, Эпчил куёв

рвш. Оз эмас, анча-мунча, кўпгина.

Тошкент билан Қўқон ораси озмунча ёʻлми?

Бошқалар қилган ишни нега мен қилолмайман, бекор ўтиргандан, бекор ишла, деб ҳаракат қилиб, ўқишни ҳам битириб, ишни ҳам уддалаб кетганлар озмунчами? — Шукрулло, Сайланма

Ўтган йилги қиш озмунча боғларни қуритдими? — С. Зуннунова, Олов