Изоҳли луғат
· яна 5 та луғатда
от 1. Тана тузилиши ва қиёфаси одамга ўхшаш, сутемизувчиларнинг юксак ривожланган туркумига мансуб ҳайвон.
Одамсимон маймун.
Эшон ойимнинг юзи маймуннинг юзига ўхшаган тириш, бадбуруш экан. — М. Исмоилий, Фарғона тонг отгунча.
2. кўчма с. т. Бадбашара ёки серпардоз одам ҳақида.
3. Мучал йил ҳисобида тўққизинчи йил номи.
Унинг йили маймун.
- Маймун йили Мучал йил ҳисобида тўққизинчи йил.
- Ҳолига маймунлар йиғлайди Жуда аянч, оғир аҳволга тушди. Ўғлингни Мирзакарим аканинг илгариги тошкентлик куёви ўлдирди, мен ўз кўзим билан кўрдим, дейман. Ана ундан сўнг хумсанинг ҳолига маймунлар йиғласин. — А.Қодирий, Ўтган кунлар