сфт. 1. Бир турдаги кичик бўлаклардан иборат бўлган, йирик эмас.
Майда тош. Майда қор. Майда қум.
Ташландик тегирмоннинг чирик новидан сув майда кумуш томчиларни сачратиб, гувуллаб отилади. — Ойбек, Танланган асарлар
Қора қошлари чимирилди, садафдай майда тишлари билан устки лабини чайнади. — С. Анорбоев, Оқсой
2. Унчалик катта бўлмаган; кичик майда жониворлар. Майда болалар.
Тракторлар гуруллаб-вариллаб майда дарахтларни таг-томири билан қўпориб ташлар эди. — А. Қаҳҳор, Қўшчинор чироқлари
3. Мавқейи, ижтимоий, иқтисодий аҳамияти жиҳатдан катта ўрин тутмайдиган.
Майда буржуазия. Майда савдогар.
Бунақанги майда, хашаки бойларнинг пули ҳам майда бўлади. — К. Яшин, Ҳамза
4. Миқдор, сон жиҳатдан кам бўлган; бир неча нарса ёки кишидан иборат бўлган; кичик.
Майда отрядлар. Майда миллатлар.
5. кўчма Аҳамияциз, қиймат жиҳатидан арзимас.
Майда гаплар. Майда ишлар.
Орада бирмунча майда сўзлар сўзлангач, кимнингдир уф деб юборгани эшитилди. — А. Қодирий, Ўтган кунлар
6. Танга-чақа ва умуман йирик бўлмаган; кичик пул.
Майда пул. Беш сўмга майдангиз ёʻқми?
- Майда қадам Ораси унча катта бўлмаган, лекин тез-тез ташланган қадам. Анна Ивановна ёш қизлардек майда қадам билан дикиллаб келарди. — Шуҳрат, Шинелли йиллар