Qidiruv

ot 1. Tomoshaxonalarda, sayillarda va umuman xalq koʻp toʻplangan joylarda tomoshabinlarni kuldiradigan oʻyinlar koʻrsatuvchi qiziqchi, artist.

Sirk masxarabozi.

Boshqa bir joyda masxaraboz qiziqchilar oʻyin koʻrsatmoqdalar. — J. Sharipov, Xorazm

Ot ustida viqor bilan turgan hazrat haligi yersiz dehqon qiyofasidagi masxarabozni darra bilan bir tushirdi. — K. Yashin, Hamza

2. ayn. Nayrangboz.

U bir toʻp masxaraboz orasida kalaka boʻlgandek qizarib, vagonga yaqinlashdi. — Yoshlik

ot 1. Masxaraboz ishi, xatti-harakati.

Dor ostida qiziqchilar masxarabozlik qilmoqda.

2. snt. Ogʻzaki dramaturgiya asosida faoliyat koʻrsatgan oʻzbek anʼanaviy teatri; qiziqchilik.

Masxarabozlik anʼanalari, vositalari maʼlum darajada yangi shakldagi oʻzbek teatrida oʻzlashtirildi. — OʻzME

3. ayn. Nayrangbozlik.

Bir necha minutdan keyin Gʻulomjon mingboshi oldida turar, bu masxarabozlikka hali-hali tushunolmay, tajang boʻlar edi. — M. Ismoiliy, Fargʻona t. o.