Поиск

ot 1. (faqat aniqlovchi soʻz bilan) Payt, vaqt.

Tong mahali. Chopiq mahali. Tushlik mahali. Hech mahal. Har mahal.

[Oyimxon:] Ertaga oʻqish mahalida qoʻlingiz tegsa, bir kelib xabar oling. — P. Tursun, Oʻqituvchi

Shu yoʻsin ikki shoʻrpeshona uzoq mahalgacha bir-biridan ayrilmadi. — M. Ismoiliy, Fargʻona tong otguncha

2. Marta, bor (payt eʼtibori bilan).

Har kuni ikki mahal ovqatlanmoq. Uch mahal dori ichmoq.

ot 1. Shaharning maʼlum bir hududni oʻz ichiga olgan va aholisi bir jamoaga birlashgan, oʻzini-oʻzi boshqarishga asoslangan ijtimoiy-hududiy boʻlagi.

Mahalla faxrlisi. Mahalla qoʻmitasi raisi. Mahalla jamgʻarmasi. Mahalla idorasi. Toshkentning Yangiobod mahallasi.

boy salmoqli ravishda gapira boshladi: — Alhamdulillo, hammamiz musulmonmiz, bir otaning bolalarimiz, bir mahalladamiz, tobutkashmiz, har kun bir-birimizga salom-alik qilamiz. — Oybek, Tanlangan asarlar

Bu ishga butun mahalla ahlini koʻtarib, oyoqqa turgʻizgan kim? — Guldasta

2. Ayni bir hudud (mahalla)da yashovchilar; mahalla oqsoqollari.

Toʻy masalasida mahalla nima desa, shu boʻladi.

3. Mahalla kengashi va u oʻrnashgan bino; mahalla guzari.

Men mahallaga bir chiqib kelay-chi, nima yangilik bor ekan.

Bir şehrin, bir kasabanın, büyükçe bir köyün ayrıldığı, bölündüğü parçalardan her biri.MAHALLA

Yöresel, yerel.MAHALLIY

ot Mahalliy komitet.

sft. 1. Mahallarga, atrof-joylarga oid.

Mahalliy vaqt. Mahalliy sanoat. Mahalliy sharoit.

Elmurod oʻychan bir holda non kavshab, choy ichar ekan. Oyimxon ikir-chikir mahalliy yangiliklar toʻgʻrisida unga maʼlumot berdi. — P. Tursun, Oʻqituvchi

Stol yonida markaziy va mahalliy gazetalar qavat-qavat qilib suyab qoʻyilgan. — P. Qodirov, Uch ildiz

2. Yerlik.

Mahalliy kadr. Mahalliy xalq.

Hamma yerda jangchilarimizga mahalliy aholi va partizanlar yordam koʻrsatishdi. Nazarmat, Joʻrlar baland sayraydi

bitta politsiyachi, yana ikkita kishi — mahalliy amaldor boʻlsa kerak, milliy kiyimda edi. — K. Yashin, Hamza