Қидирув

от 1. Ўтмишда ва ҳозир кишиларни, амалдор ёки давлат арбобларини улуғлаш шакли.

Элчи жаноблари. Бош вазир жаноблари.

[Шайхулислом:] Демак, жанобларининг ҳукми жиддий? [Навоий:] Тақсир, салтанат ишларида ҳазил бўлмайди. — Уйғун ва И. Султон, Алишер Навоий

Бу замонда Навоий жанобларидек пок одам ҳаргиз топилмас. — Ойбек, Навоий

— Қози домла муҳтарам Тешабой жанобларининг илтифотларидан мамнун бўлибдилар, — деди қори. — М. Исмоилий, Фарғона тонг отгунча.

2. Киши исмларига қўшиладиган кесатиқ сўз.

Деканатдан чиқсам, Боқизода жаноблари ялпайиб, чой ичиб ўтириптилар. — С. Кароматов, Олтин қум

Юқори даражада одобли,ALİCENAP

сфт. 1. Юқори даражада одобли, хулқ-атвори, одамгарчилиги жуда баланд; улуғ, асл.

Умид, сен олийжаноб, оқила бир қизнинг муҳаббатини оёғости қилдинг, сен бу аламни ўлгунингча тортасан. — Мирмуҳсин, Умид

Яхшиларга эргашган муродга етади. Деганларки, олийжаноб одамлар ҳар қачон ёʻлдошимиз бўлади. — Газетадан

Ўз ҳамқишлоқларимиз, ҳамшаҳарларимизнинг нақадар ажойиб, одамохун, олийжаноб, дилкашлигини бошқа юрт халқлари билан мулоқотда бўлганингиздан кейин янада яхшироқ тушунаркансиз. — Газетадан

2. Юқори даражада ҳимматли, олийҳиммат, ҳиммати баланд.

Раисимиз жуда олийжаноб одам, эшитгандирсиз, ёрдам бериб турадилар. — Мирмуҳсин, Илдизлар ва япроқлар

3. Жуда яхши, мисли ёʻқ.

Олийжаноб уй.

4. Эзгу, юксак мақсадга эга.

Олийжаноб гап. Олийжаноб касб. Олийжаноб иш.

У одамликнинг энг олийжаноб, энг юксак, энг ширин ҳисларидан маҳрум бўлади. — С. Зуннунова, Олов

Нодирнинг хаёлига олийжаноб бир фикр келди. — Шарқ юлдузи

благородствоинглизчаnobleness, nobilityфрансузчаbienveillance, générosité, noblesseарабчаكَرَامَة

от Олийжаноб хусусиятларга эгалик.

— Бу йиртқичларнинг даҳшатли гуноҳларидан кечиш учун ҳам юрак керак, олийжаноблик керак, — деди кекса солдат. — А. Мухтор, Асарлар

Ҳаётда шундай яхши одамлар борки, уларнинг олийжаноблигига, камтарлиги ва кишиларга беминнат хизмат қилишларига чин дилдан таҳсин айтгинг келади. — Газетадан