Hayot Foundation лойиҳаси
Лойиҳа ҳақида
Ўз
Ўз

Қидирув

«ижро» бўйича 196 та натижа: Луғатлар

Филтр
Бўлим
Луғатлар Эртаклар Шевалар
Луғат тури
Изоҳли Таржима Терминологик Фразеологик
Тилдан
Ўзбекча Русча Инглизча
Тилга
Ўзбекча Русча Инглизча Қорақалпоқча Немисча Франсузча Арабча Туркча

Луғат мақолалари

36 та
ижро
Изоҳли луғат · яна 6 та луғатда

от 1. Амалга ошириш (оширилиш), бажариш (бажарилиш).

Ижрони текшириш.

Собиқ Олий Кенгашимиз тайёрлаган ва қабул қилган 200 га яқин қонун ва 500 дан зиёд қарор ана шу муқаддас вазифанинг шарафли ижроси эди. — Газетадан

Уставнинг ижроси қаттиққўллик билан талаб этилар эди. — Шуҳрат, Шинелли йиллар

2. Куй, ашула, рақс ва шу кабиларни бажариш (куйлаш, ўйнаш ва шу кабилар).

Чоргоҳ куйи мақомчилар ижросида янгради.

  • Ижро варақаси
  • Ижро этмоқ (ёки қилмоқ) Бажармоқ. Мактабнинг хор жамоаси ҳар бир қўшиқни зўр маҳорат билан ижро этди.Ниёз қушбеги менга йигит қўшиб, бу ҳукмномани ижро қилишда бекка ёрдам бермак учун жўнатди. — А. Қодирий, Ўтган кунлар
Тўлиқ мақола →
ижрочи
Изоҳли луғат · яна 8 та луғатда

от 1. Амалга оширувчи, ижро этувчи; бажарувчи (шахс ёки ташкилот).

Биз оддий ижрочи. Шунинг учун биздан хафа бўлмайсиз энди. С. — Холмирзаев, Оғир тош кўчса

2. Куй, рақс, рол ва шу кабиларни бажарувчи (санъаткор, артист).

Ижрочи ўз ролини маҳорат билан бажарди.

  • Суд ижрочиси Суд қарорини ижро варақасига асосан амалга оширувчи лавозимли шахс.
  • Якка ижрочи Куй ёки ашулани якка ўзи ижро этувчи; солист, яккахон.
Тўлиқ мақола →
ижроия
Изоҳли луғат · яна 1 та луғатда

от Амалга оширувчи, бажарувчи (ташкилот, орган ва шу кабиларни билдирувчи сўзлар билан қўлланади).

Ижроия қўмитаси.

Партиянинг Марказий Кенгаши доимий ишловчи ижроия ва мувофиқлаштирувчи орган ҳисобланади. — Газетадан

Кенгаш ижроия бюронинг ваколатларини ва ишнинг асосий ёʻналишларини белгилайди. — Газетадан

бир тизимдан иккинчисига ўтиш даврида ҳар ҳолда кучли ижроия ҳокимият зарур. — Газетадан

Тўлиқ мақола →

Ҳаммасини кўриш · 36 →

Таърифлар ичида

160 та

Ҳаммасини кўриш · 160 →