Поиск

adv in, inside, inward

rvsh. 1. zid. Xona, hovli, qalʼa va shu kabilarning ichki qismi, ichki tomoni; tashqari.

Hamdamforma, maʼlum bir hovlining orqasiga oʻtib, oʻziga tanish boʻlgan bir derazadan ichkariga qaradi. — S. Ayniy, Qullar

Bironta tanish koʻrinmagach, oʻzi ichkariga kirmoqchi boʻlgan edi, qorovul uni toʻxtatdi. — S. Yunusov, Kutilmagan xazina

Ovoz endi ichkaridan emas, tashqaridan eshitildi. — M. Ismoiliy, Fargʻona tong otguncha.

Rulda keksaroq kishi oʻtirar, ichkarida uch-toʻrtta ayol bor edi. — S. Siyoyev, Yorugʻlik

2. Maʼlum joy, maydon, hudud va shu kabilarning boshlanishdan oʻrta qismi, markaz tomoni: ich qism, ich tomon.

Shahar ichkarisi. Mamlakat ichkarisi. Bogʻning ichkarisi.

Behisob yoʻllar choʻl ichkarisiga tarmoqlanib ketgan. — Oʻzbekiston qoʻriqlari

— Hoʻ anovi nashvatini qarang, oʻgʻlim, — dedi u, devordan ancha ichkarida mevalarining kungay tomonlari qizarib turgan nashvati daraxtiga imo qilib. — M. Ismoiliy, Fargʻona tong otguncha.

3. etn. Hovlining tashqi hovlidan devor bilan ajratilgan, ayollar ya bolalar turadigan qismi; ichki hovli.

Maryamxon oʻn toʻqqiz yoshida, bundan sakkiz-toʻqqiz yil ilgari bu uyga, musulmon ichkarisiga qamalgan. — Oybek, Tanlangan asarlar

4. Ich tomonda joylashgan; ichki.

Doya kelgandan soʻng, ichkari hovli erkak zotidan tozalandi. — A. Qodiriy, Oʻtgan kunlar

Saodatxon Latofatni muloyimlik bilan ichkari uyga taklif qildi. — S. Zunnunova, Yangi direktor

Ichkari darvozaning chap yonidan toza koʻray, deb Oqqiz oʻtdi. — Erali va Sherali

Ichkari hovlida keksa Meʼmor atrofida sizi va xotini shumshayib oʻtirishardi — Mirmuhsin, Meʼmor

adv ichkarida, ichkariga :: indoors /ɪnˈdɔːz/ adv ichkarida, ichkariga

adv 1. inside

2. within

adv from within, from inside

ot Markazga, katta koʻchaga nisbatan ancha ichkarida boʻlgan yer, joy.

Anchagina ichkarilikda boʻlgan hovlidan xotinlarning shovqin-suroni qiy-chuv tovushlar yangraydi. — Oybek, Tanlangan asarlar

Bu uy Karimovga shuning uchun yoqib qolganki, u guzardan uzoq ham emas, juda yaqin ham emas, koʻcha yuzi ham emas, juda ichkarilik ham emas. — H. Shams, Dushman.