Қидирув

от 1. Бўлиб ўтган воқеа-ҳодисаларни ўз кўзи билан кўрган ёки уларнинг ҳақиқатан ҳам бўлганлигини тасдиқлаш учун шу иш бўлган жойга махсус чақирилган киши; шоҳид.

Сидиқжон ўн бир гувоҳни ёнига олиб, раёнга жўнади. — А. Қаҳҳор, Қўшчинор чироқлари

Мен инқилобгача ва инқилобдан сўнг деҳқонларимиз кечирган ҳаётларининг жонли гувоҳиман. — Н. Сафаров, Оловли излар

2. ҳуқ. Суд ёки терговдаги иш юзасидан ўз билганларини айтиб бериш учун судга чақирилган киши.

Судга гувоҳларни чақирмоқ.

Терговчи ҳам

қариянинг гувоҳ тариқасида ишга аралаштиргани, унинг алданганига шубҳа қилмасди. — С. Юнусов, Кутилмаган хазина

3. Воқеа-ҳодиса, фикр, ҳолат ва шу кабиларнинг тўғрилигини тасдиқловчи нарса; далил.

Кишини меҳнат улуғлайди. Сиз-биз кўрган ҳурмат-эҳтиром — бунинг гувоҳи. — Газетадан

от 1. Шоҳидлик, кўрган ёки билганлик; гувоҳ бўлишлик.

Бироқ фактлар, ҳужжатлар, жуда кўп одамларнинг гувоҳликлари унинг қайсарлигини аста-секин қайириб, ниҳоят, букиб қўйди — Ғулом, Машъал

2. ҳуқ . Гувоҳ томонидан берилган маълумот, гувоҳнинг айтганлари.

Гувоҳлик бермоқ.

Зиёдахон билан Анзират холадан, қолаверса, Шарофат можаросидан хабардор бўлган бошқа одамлардан судда гувоҳлик беришларини сўради. — А. Қаҳҳор, Қўшчинор чироқлари

от 1. Қайд этиш шарт бўлган юридик воқеа-ҳодисаларни тасдиқлайдиган, имзо қўйилган ва муҳр босилган расмий ҳужжат.

Туғилганлик ҳақида гувоҳнома. Талабалик гувоҳномаси.

2. эск. айн. Аттестат 1.

Кеча ўнинчини аъло тугатдинг, Қўлингда етуклик гувоҳномаси. — Ғ, Ғулом

фл. Гувоҳламоқ феълининг мажҳул нисбати.

русчаосвидетельствованиеинглизчаexamination

фл. Гувоҳлар, зарурий ҳужжатлар орқали тасдиқламоқ, расмийлаштирмоқ.