от 1. Қубба шаклидаги том; қубба тахлитидаги нарса.
Сирк гумбази. Ҳаммом гумбази.
Тўғрида Ҳирот мадрасаларининг нақшли гумбазлари эрталабки қуёш нурида ярқираб кўринмоқда. Уйғун ва И. — Султон, Алишер Навоий
— Гумбазни кошин билан безатмоқчи бўлибсиз, кошинингиз етарлими? — деди [Хонзода]. — П. Қодиров, Юлдузли тунлар
2. кўчма Бесўнақай, катта, семиз одам ҳақида.
Тунов куни холамникига борган эдим, холам ҳамма гапни Ҳомид чўчқанинг қулоғига етказувчи ўз қизи Зайнаб гумбаз бўлганини бирма-бир айтиб берди. — А. Қодирий, Ўтган кунлар
- Кўк гумбази Бола ҳар кун келар оқшомда, Тут тагига бориб ўтирар Ва сарҳадсиз нилий осмонга — Кўк гумбазга боқиб ўй сурар. — Х. Даврон, Тунги боғлар