Qidiruv

ot 1. Buyumni tashqi shikastdan saqlash uchun solib qoʻyiladigan, shu buyum shakliga moslab tayyorlangan maxsus jild, quti, qin.

Koʻzoynak gʻilofi. Miltiq gʻilofi. Koʻrpaning gʻilofi. Gʻijjakning gʻilofi. Gʻilofga solmoq.

Boʻronboy gʻilofning bogʻichini yechib, dutorni oldi, torlarini cherta-cherta, uzoq sozladi. — O. Husanov, Qoʻshiqchining taqdiri

Men kirishim bilan Rasulov oq surpdan gʻilof kiygizilgan kreslosini orqaga surib, oʻrnidan turdi, kabinetning yarmiga kelib koʻrishdi. — R. Fayziy, Suvchi

Sharofat xola derazadan qarasa, eshik tagida bir mashina yigit-qizlar. Yelkalarida ryukzak, kuzovda gʻilof kiygizilgan juft-juft changʻilar. — A. Muxtor, Chinor

2. koʻchma kam qoʻll. q. Maska 1.

Tuhmatchining toshi yomon, Gʻiybatchining — gʻilofi. — Maqol

sft. Gʻiloflangan, gʻilofi bor.

Gʻilofli rubob. Gʻilofli qilich.

U [Xonqozi] belidagi yogʻoch gʻilofli mauzer toʻpponchani koʻz-koʻz qilib koʻrsatdi, keyin belidan chiqarib, xontaxta chetiga qoʻydi. — A. Hakimov, Ilon izidan

— Ma, suv ichib ol — serjant gʻilofli suvdonini kamaridan olib tutdi. Shuhrat, — Umr pogʻonalari

ot Gʻilof tayyorlovchi usta.

fl. Narsaga, buyumga gʻilof qoplamoq, gʻilofga solmoq.

Koʻrpani gʻiloflamoq.

fl. Gʻiloflamoq feʼlining majhul nisbati.

fl. Gʻiloflamoq feʼlining orttirma nisbati.