от 1. зоол. 1 Африка ва Осиёда яшайдиган, сутемизувчилар синфига мансуб, сиртга чиққан иккита узун, курак тишли ва бақувват хартумли, ўсимликлар билан овқатланувчи улкан жуссали ҳайвон.
Қуруқда яшовчи ҳайвонларнинг энг йириги филдир. — Зоология
Чивин кўплашса, филни йиқитади, деган гап бор. — И. Раҳим, Чин муҳаббат
2. Шахмат тахтасида бурчак ҳаракати (диагонал) бўйича истаган катакка юра оладиган сипоҳ.
[ Шайхулислом] Э.. Э.. ғалат, филингизни кўрмабман. — Уйғун ва И. Султан, Алишер Навоий
3. кўчма Бақувват, қудратли, катта имкониятларга эга.
Халилов билан баҳслашиб ўтириш шартми! Халилов — фил, сен — қўчқор. — И. Раҳим, Ихлос
- Филдан пашша ясамоқ ёки пашшани фил қилмоқ Ошириб юбормоқ, кўпиртирмоқ; муболаға қилмоқ. Сиз, ўртоқ Рафиқ, пашшадан фил ясамоқчи бўласиз! — Н. Сафаров, Танланган асарлар— Уззукун пашшани фил қилиб, қаёқдаги гапларни чулғатиб юрдингиз. — А. Муҳиддин, ҲадяУ.. рост-ёлғон хабарларнинг пашшасини фил қилиб етказиб, уйимизни куйдирди. — С. Айний, Қуллар