ot 1. Kishi xarakterini tashkil etuvchi ruhiy xususiyatlar va undan yuzaga keluvchi xatti-harakatlar majmui; xulq, xarakter, xulq-atvor.
Har kim feʼliga yarasha olar. — Maqol
— Bu oyimchaning feʼlini bilasiz-ku! — dedi Mastura koʻziga yosh olib. — E. Aʼzamov, Javob
Zaynabning shu feʼli balogʻatga yetib, erga teggandan keyin ham oʻzgarmadi. — A. Qodiriy, Oʻtgan kunlar
2. Insonning maʼlum paytdagi ruhiy holati, kayfiyati, avzoyi.
Feʼli buzilmoq. Feʼli aynimoq. Feʼli ozmoq.
Shunday feʼli buzildiki, xudodan ham xafa boʻlib ketdi. — M. Ismoiliy, Fargʻona tong otguncha
Biroq raisning feʼli birdaniga aynib qoldi. — S. Zunnunova, Olov
3. koʻchma Odat, xulq, qiliq; ish, xatti-harakat.
Yolgʻonchilik shunday bir shum feʼldirki, imonga, rizqqa, umrga, eʼtibor va obroʻga ziyoni bordur. — Hamza, Tanlangan asarlar
Qoyil qoldim endi qilgan feʼlingga, Oʻgʻil koʻrgin, qoʻlin solsin boʻyningga. — Erali va Sherali
Hali ham tavba qil qilgan feʼlingga, Toʻxta, oyim, yetolmaysan elingga. — Murodxon
- It feʼl, itfeʼl Yomon xulqli, yaramas. Samovarchining it feʼl ekanini payqagan boʻlsa ham, noiloj uning oldiga bordi. — Oybek, Tanlangan asarlar— It feʼli, badbaxt! qosh-u qovogʻingdan naq qor yogʻadi — Oybek, Tanlangan asarlar
- Feʼli aynamoq Shamol esib, havoning feʼli aynib birpas-da — Gʻayratiy, Tanlangan asarlar.Goho kulib, osmon hammani xursand qiladi, goho birdan feʼli aynib, dehqon dilini siyoh qiladi. — N. Safarov, Olovli izlar
- Feʼli keng Bor narsani birov bilan baham koʻradigan, birovdan ayamaydigan, saxiy. Tegirmonda tugʻilgan sichqonning feʼli keng. — MaqolOʻlganda goʻring keng boʻlsin, tiriklikda — feʼling. — MaqolTemirchining uyi tor boʻlsa ham, feʼli keng edi. — Sh. Rashidov, Qudratli toʻlqinEy, feʼli keng qishloq oʻgʻli, kuylayin seni! — A. Sher, Qadimgi kuy
- Feʼli tez — Xotining, bunaqa feʼli tez ekan, [bolani] olib ketmagani ham durust. — A. Qahhor, Qoʻshchinor chiroqlari
- Feʼli tor Haddan tashqari ziqna, xasis. Qadim oʻtgan zamonda, Kattaqoʻrgʻon tomonda, Bir ochkoʻz boy bor edi, Feʼli juda tor edi. Uygʻun.— Ular-da pul boʻladi, bilaman. Lekin ayollarning feʼli tor. — Oybek, Tanlangan asarlar
- Feʼli qaytmoq Yo tavba, yo tavba! Muncha feʼling qaytmasa, qizim? — N. Safarov, Tanlangan asarlar
- Xush feʼl [Oʻroz] Mirzakarimboyga qarol boʻlib yollangan, ket-boshi kir, uvada boʻlishiga qaramay, chiroyli, xush feʼl, yoqimtoy yigit edi. — Oybek, Tanlangan asarlar