ot 1. Savdo-sotiq ishlarida aylantirib turiladigan va oʻsha asosda foyda koʻriladigan dastlabki asosiy mablagʻ.
Otam kuyovdan olgan qalin pulini dastmoya qilib, kosiblik — mahsidoʻzlik bilan shugʻullanadi. — H. Nosirova, Men oʻzbek qiziman
Mehtarxon singari katta savdogarlar dastmoya berib, Hindiston va Eron bilan savdo-sotiq qilar edi. — M. Osim, Karvon yoʻllarida
2. s. t. Bisotdagi, peshonadagi bor-yoʻq narsa.
Uning dastmoyasi — shu bitta ketmoni.
[Rafiq Midhatga:] Yozaver Zang bosib qolmasin. Dastmoyani ishga sol. Z. Said, N. — Safarov, Tarix tilga kirdi
— Bularniyam topgan dastmoyasi nuqul ashula ekan-da! — Asom buva qalampir yegan kabi aftini bujmaytirdi. — X. Sultonov, Bir oqshom ertagi
3. koʻchma s.t. Biror ish-harakat uchun vosita, dastak, bahona boʻlgan narsa; roʻkach.
Bultur ishimning oʻngidan kelmagani bu yil sizga dastmoya boʻlib qoldimi! — N. Safarov, Oliyaxon Sultonova
Gʻiyosiddin ikkita meshni dastmoya qilib, rastalarda obi xudoyi deb, meshkobchilik qilib yuribdi. — S. Ahmad, Hukm
- Dastmoyasidan ayrilmoq Sinmoq, bankrotlikka uchramoq. Hisobini bilmagan dastmoyasidan ayrilar. — Maqol