ot 1. Podshoh arki va saroyi; borgoh.
Kampir Xolchaoyni podshohning dargohiga olib boribdi. — Ertaklar
2. Uy-joy, hovli, maskan.
Mana, Mulla-doʻst! Sizga sabr qiling desam, xafa boʻlasiz. Bizning dargohimizdan hech kim quruq qaytmaydi. — Hamza, Maysaraning ishi
3. Xonadon; oila.
Qizim Gulnor shunday ulugʻ dargohga tushsa yomonmi? — Oybek, Tanlangan asarlar
Keyin oʻqiyolmadi: katta dargoh, bola-chaqa, qozon-tovoq Qolib ketdi! — A. Qahhor, Asarlar
4. koʻchma Xizmat, faoliyat sohasi, oʻrni; ishxona.
Maorif dargohi.
Erta tongdan qalblari pok, oʻylar, orzulari lim-lim qizlar, ayollar sevimli dargohlari — Buxoro zardoʻzlik fabrikasiga oshiqadilar. — Saodat
Maʼlumki, har bir olim
dargohiga kimgadir ergashib keladi. — Fan va turmush
yosh mualliflar sheʼriyat dargohiga oʻzlarining maʼlum bir uslublari, ovozlari bilan kirib kelyaptilar. — Gazetadan
5. koʻchma Najot topiladigan, panoh boʻladigan joy.
Yer yuzida shuhratli, mashhur dargoh oʻzingsan. El-u yurtga qudratli, mangu panoh oʻzingsan. — Ya. Qurbon
Kavkaz, kimlarga sen iqbol dargohi, Kavkaz, kimlarga sen qatagʻon diyor. — A. Oripov, Yillar armoni
Toshkent katta shahar, dargohi keng. — Oʻ.Hoshimov, Qalbingga quloq sol
6. din. Sigʻiniladigan muqaddas joy.
Askar ota ikkala koʻlini koʻtardi: — Ilohi omin! Xudoyo xudovando, shu yoshga kirib, dargohingdan hech narsa soʻragan emas edim. — A. Qahhor, Xotinlar
Dargohingga imonim bilan bora-yotganimga guvoh boʻl. — Yoshlik
- Dargohida qabul qilsin yoki xudo (yoki olloh) Oʻz dargohida qabul qilsin Xudo qabul etsin, ijobat qilsin. Xudo qizimning saharlari qilgan duosini dargohida qabul qildi. Dadasi, endi tuzukman. — A. Qahhor, Asarlar